نصيحة جومانا مراد للسيدات: بصي لنفسك في المراية وقولي أنا أحلى ست في العالم

وجهت الفنانة جومانا مراد نصيحة للسيدات حتى يشعرن بجمالهن.

وقالت جومانا مراد خلال لقائها في برنامج 'كلام نواعم': 'كل ست لازم تبص لنفسها في المراية وتقول أنا أحلى ست في العالم، أنا بشوف نفسي إني بجنن'.

وأضافت: 'الستات بتحب تسمع كلام حلو، الست بتحب من ودنها أي حد يقدر يدخل حياتها من مدخل الكلام الحلو ليه متسمعيش نفسك كلام حلو؟ إحنا جلادين لنفسنا ليه ننتقد نفسنا ومش بنشوف غير عيوبنا نبص في المراية ونشوف العيب لأ أنا ببص في المراية بقول أنا حلوة وحتى عيوبي ميزة'.

وعن فكرة التقديم في السن قالت جومانا مراد: 'كل ما بيكبر سني كل ما بحلو أكتر وبحس بنفسي أكتر وبحس إني عارفة نفسي وعارفة عايزة إيه، كل سن ليه حلاوته وجماله السن مجرد رقم، السن هو خبرة السنين وإزاي شخصيتك اتكونت'.

وتابعت جومانا مراد: 'زمان مكنتش بعرف أطبطب على نفسي وآخر حد أفكر فيه هو فسي لكن الموضوع اتغير لقيت أن كل ست محتاجة تطبطب على نفسها وتكون حنونة على نفسها وتكافئ نفسها متستناش حد يكافئها'.

يذكر أن جومانا مراد شاركت في رمضان 2025 بالمسلسل الخليجي 'أم 44'.

مسلسل 'أم أربعة وأربعين' يدور في إطار درامي اجتماعي، وهو من تأليف هبة مشاري، وإخراج المثنى الصبح، ويشارك في بطولته عدد من الفنانين، أبرزهم: سمية الخشاب، جومانا مراد، وميس قمر، وهدى الخطيب.