بالفيديو - يسرا توضح سبب اختيارها للكوميديا في رمضان

يسرا

خلال لقائها في برنامج 'كلمة أخيرة'، الذي تقدّمه الإعلامية لميس الحديدي على قناة ONE، كشفت الفنانة الكبيرة يسرا سبب تقديمها مسلسلاً كوميدياً للمرة الثانية على التوالي، كما تحدّثت عن مسلسلها الجديد '1000 حمد الله على السلامة'، والمقرر عرضه في الموسم الرمضاني 2023.

وقالت يسرا: 'أنا عملت مسلسل كوميدي تاني لأن الناس محتاجة تضحك، وأنا حاسة إني وكل الناس محتاجين للضحكة والفرحة، والضحكة أصعب بكتير من الدراما، ومش سهل تعدّي وسط كوميديانات كبار، وأنا مش كوميديانة لكن أنا وسط ناس كوميديانات بيوظفوني'.

https://www.youtube.com/watch?v=51QcudvT8MAوأضافت: 'أنا بغيّر دمي مع المخرجين والكتّاب الشباب وبيكون عندي حماس كبير، ومش بقلق أني بشتغل مع كاتب شاب ومخرج شاب؛ لأني بحس إن عندهم طموح وعاوزين يقدموا حاجة جديدة وأنا عايزة أغيّر دمي معاهم لأن عندهم نظرة مختلفة ليا معاهم'.

وعلّق الفنان محمد ثروت خلال اشتراكه في البرنامج، على تعاونه مع الفنانة يسرا في المسلسل، قائلاً: 'الشغل مع الفنانة يسرا مهم جداً بالنسبة ليا، ووافقت على طول على المشاركة في المسلسل'، كما كشف الفنان الشاب آدم الشرقاوي تفاصيل مشاركته في المسلسل قائلاً: 'أنا ابن الفنانة يسرا في العمل برضه، وكل يوم بتعلّم منها حاجة وهي من أطيب الناس اللي قابلتها في حياتي، وأول مرة أجرّب حاجة كوميدي'.