لايف ستايل
موقع كل يوم -في فن
نشر بتاريخ: ٩ حزيران ٢٠٢٣
قالت الفنانة دوللي شاهين إن فارق العمر الكبير بين والدها ووالدتها، والذي بلغ 20 سنة، لم يكن شيئا صحيا في أسرتها، وأدى إلى أن والدتها كانت طفلة وقت ولادتها الأولى.
وأضافت خلال استضافتها في برنامج 'بنشتري راجل'، الذي تقدمه الفنانة هبة السيسي عبر قناة الشمس: 'طفولتي كانت طفولة مش عظيمة، وعلشان كده ذكريات كتيرة عقلي عمل لها بلوك، لكن فاكرة إني في سن معين كنت عاملة زي الولد وشقية جدا وعفريتة، وإن علاقتي بوالدي مكانتش عظيمة'.
وعن علاقتها بوالدتها، قالت: 'ماما حبيبة قلبي، الست العسل الطيبة اللي بتخاف علي عيالها، والملاك اللي لا نرتقي نبقى زيها'.
أوضحت دوللي شاهين أن والدها كان له تأثير أكبر من تأثير والدتها عليها قائلة: 'بابا كانت شخصيته قوية جدا، وماما إتجوزته لما كان عمرها 14 سنة تقريبا، وتقدري تقولي إنه ربى ماما زي ما ربانا'.
وتابعت: 'ماما كانت بتولد وعمرها 14 سنة و9 شهور مثلا، يعني لسه طفلة زينا، بتكتشف الدنيا وتوعى على الحياة زينا، وده غلط جدا'.
أشارت دوللي شاهين إلى فارق العمر المناسب بين الزوجين بقولها: 'المنطقي الراجل يكون أكبر من مراته بفرق بسيط لغاية 4 سنين مثلا، علشان الست عادة بتنضج أسرع من الرجل، بحكم تربيتنا الشرقية وإن البنت بتتحمل مسؤولية البيت وإخواتها'.
تحدثت دوللي شاهين خلال اللقاء عن الصعوبات التي واجهتها بسبب تربية والدها الصارمة قائلة: 'وأنا صغيرة مكانش عندي فكرة فتى الأحلام، بابا كان راجل شرقي بزيادة وعنده قيود كتيرة، وكان كل أحلامي أتحرر من القيود دي قبل ما أفكر مين فتى أحلامي'.
وأضافت: 'مثلا لو بنت عمي أو بنت خالتي لابسة لبس حلو هيقول الله على جمالها، إنما أنا مش مقبول أعمل كده، وأول جيبة لبستها في حياتي وكانت هدية وكان عمري 13 سنة قطعها علشان يقهرني ويضايقني'.
حمل آبلكيشن FilFan ... و(عيش وسط النجوم)