آمال ماهر عن جدل لقب "صوت مصر": بأي حق أقول أنا رقم واحد

كشفت الفنانة آمال ماهر عن رأيها في إطلاق الألقاب على الفنانين، وأزمة لقب 'صوت مصر'.

وقالت آمال ماهر خلال لقائها في برنامج 'أجمد 7' مع جيهان عبد الله: 'مش بحب الكلام في موضوع لقب 'صوت مصر' أو أنا رقم واحد، أنا ممكن أكون رقم واحد عندك إنتي وممكن أكون ولا حاجة عند حد تاني بأي حق أقول أنا رقم واحد وأنا معرفش صوت إيه بأي حق'.

وتابعت آمال ماهر: 'الناس هي بتقييمك وتحطك في المكان اللي عايزة تحطك فيه، الجمهور هو اللي بيدي لقب للمطرب، أنا بحب اسمي جدا بالنسبة ليا اسمي أن الناس حباه وعارفه حاجة اتشرف بيها، كون أن الناس بتلقبك دي حاجة هما شايفنها وهي حاجة مش وحشة حاجة هما شايفينك فيها هما شايفينك في حته وحاطينك فيها ودي حاجة بتزودك مش بتنقصك بالعكس دي مراية ليكي بتعكس قد إيه هما بيحبوكي بس هما اللي يقولوا دا'.

وعن أكثر الألقاب التي أطلقها عليها جمهورها قالت آمال ماهر: 'حاجات كتير وألقاب كتير اتقالتلي مش فاكرة بس اللي أنا عارفاه أنا بحب اسم آمال ماهر، بيقولوا 'أميرة القلوب' لما الناس تشوف كده هحتاج تاني إيه أكتر'.

يذكر أن آمال ماهر طرحت أحدث ألبوماتها الغنائية بعنوان 'حاجة غير'، الذي تتعاون في مع مجموعة من أبرز صناع الاغنية.

ويضم ألبوم آمال ماهر 'حاجة غير' 10 أغنيات هي: 'حاجة غير، اتراضيت، يا جبروتك، لو لينا عمر، نسيت اسمي، ليه سكتوا، مضمونة، رقم واحد، عقدة حياته، خبر عاجل'.