تامر هجرس: مراتي بتغير لكن مش من هيفاء وهبي ... وبتخاف علي من الحسد

كشف الفنان تامر هجرس كواليس مواقف الغيرة التي واجهها مع زوجته.

وقال تامر هجرس خلال لقائه مع الإعلامي عمرو الليثي ببرنامج 'واحد من الناس' المذاع عبر قناة الحياة: 'مراتي بتغير، لكن مثلا لما عملت فيديو كليب هيفاء وهبي قعدت معاها فترة طويلة جدا، ومسألتنيش عن أي حاجة وكانت مبسوطة'.

وأضاف: 'ممكن نكون ماشيين في الشارع وواحدة شكلها عادي تبص بصة فمراتي تتجنن، ودايما بضحك على الموضوع'.

واعترف تامر هجرس بأن زوجته طلبت منه في بعض الأحيان عدم نشر صوره قائلا: 'كانت بتقول بلاش صور على السوشيال ميديا علشان الحسد، وأنا بنشر الصور علشان أسعد الناس و بعمل كده بالنية دي'.

وحول كواليس لقائه بزوجته، قال: 'أنا اتعرفت على زوجتي ميرال في الجامعة الأمريكية في مصر، وكانت عايشة طوال حياتها في الكويت، وهي أحلى وأحسن ست بالنسبة لي في حياتي، وعندها عرق إنجليزي زيي'.

كما اعترف هجرس بأنه لا يستطيع رفض طلبات بناته قائلا: 'عمري ما رفضت طلب لبناتي تمارا وتالا، وأنا مصاحبهم جدا و أب لذيذ، ومامتهم شديدة عليهم وأنا ضعيف، ومعنديش مانع إنهم يمثلوا'.

وتابع: 'كان نفسي يبقى عندي ولد وأسميه كمال ويكمل اسم هجرس، بس أول ما جت تمارا ومسكت إيدي خلاص نسيت كل حاجة'.

يذكر أن تامر هجرس يشارك في بطولة فيلم 'شوجر دادي'، مع النجمة ليلى علوي، ونجوم الكوميديا بيومي فؤاد وحمدي الميرغني، بالإضافة إلى محمد محمود، مصطفى غريب، مي الغيطي، جوهرة، وفرح الزاهد.

فيلم 'شوجر دادي' من إخراج محمود كريم وتأليف لؤي السيد وإنتاج شركة نيوسنشري، توزيع داخلي دولار فيلم، وتوزيع خارجي شركة أورينت، وشارك في الإنتاج شركات أفلام مصر العالمية، سينرجي، ماجيك بينز، وفيلم سكوير.

حمل آبلكيشن FilFan ... و(عيش وسط النجوم)