منة شلبي: أنا اتجوزت شغلي

تحدثت الفنانة منة شلبي عن حصولها على جائزة 'الإنجاز الإبداعي' ضمن مهرجان الجونة السينمائي في دورته الثامنة.

وقالت منة شلبي خلال لقائها في برنامج 'الصورة مع لميس الحديدي': 'جملة الإنجاز الإبداعي دي كبيرة أوي، الإبداعي دي حسيت إني استحقها لأن دا جزء كبير من عمري وحياتي أنا بشتغل الشغلانة دي من وأنا عندي 16 سنة'.

وتابعت منة شلبي: 'وعندي ارتباط في حياتي هو ارتباط بالفن أنا اتجوزت شغلي طول عمري كل دور عملته عجب الناس أو كان مؤثر هو زي ابني كنت دايما براعيه وبديله أكتر ما بدي نفسي لحد ما أوصله للمخرج، من أول ما أوافق على الفيلم لحد ما أخلصه وهو زي ابني'.

وحكت منة شلبي خلال اللقاء عن دور الفنان محمود عبد العزيز في دخولها عالم الفن: 'كنا في فرح عمرو محمود ياسين، ومحمود عبد العزيز وبوسي موجودين, وكان عمري 15 سنة ولابسة فستان سواريه. بوسي قالت له: مش عندكبنتك في الفيلم قد منة؟ قالها: صحيح وسأل أمي بنتك بتمثل؟ قالت له: آه. فقالها: تمام بس مش هاخد قرار قبل ما المخرج رضوان الكاشف ياخده'.

يذكر أنه يعرض حاليا لمنة شلبي في دور السينما فيلم 'هيبتا: المناظرة الأخيرة' قصة من تأليف محمد صادق، وسيناريو محمد جلال ومحمد صادق بالتعاون مع نورهان أبو بكر. الفيلم من إخراج هادي الباجوري وإنتاج شركة 'ذا بروديوسرز'، ”ڨوكس ستوديوز”، “فيلم سكوير”، و”ايميرسيف”، ومن المقرر عرضه في جميع دور السينما في مصر ابتداءً من 8 أكتوبر، وفي جميع الدول العربية ابتداءً من 9 أكتوبر.

لو فاتك: هتتصرف ازاي لو لقيت نفسك مسئول عن نادي كبير وانت مالكش فيها؟؟ شوف 'ابن النادي' هيعمل ايه؟