ريم البارودي: كنت عايزة أقدم دور درة في "العار" ومصطفى شعبان مرضيش

كشفت الفنانة ريم البارودي سبب رفضها المشاركة في مسلسل 'العار' الذي أنتج عام 2010.

وقالت ريم البارودي خلال لقائها في برنامج 'واحد من الناس': عنيا كانت على دور تاني، هما حطوني في دور اللي أنا اعتذرت عنه، قدمته دينا فؤاد وهي عملته أحلى مني لو أنا كنت عملته مكنتش هعمله كده'.

وتابعت ريم البارودي: 'أنا كنت عايزة أعمل دور روقة قدام مصطفى شعبان، ومصطفى شعبان مرضيش كان مرشح ساعتها درة، فأنا تعمدت إزاي أنا عايزة أعمل الدور دا عيني رايحة للدور دا، متفقناش جميعا إنتاجيا وإحراجيا ونجوم العمل'.

وعن سبب رفضها دورها في مسلسل 'جري الوحوش' قالت ريم البارودي: 'لما جالي المسلسل مع احترامي الشديد إحنا ليه بنعيد، يعني لما عيدنا مسلسل 'الباطنية' كنا سنة 2006، دلوقتي إحنا في عصر تاني وأجيال مختلفة تتفرج على جري الوحوش ليه'.

يذكر أن ريم البارودي تشارك في رمضان 2025 بمسلسل 'جوما'.

مسلسل 'جوما' يشارك في بطولته عدد من الفنانين منهم ميرفت أمين، ريم البارودي، محمود عبد المغني، منة فضالي، فراس سعيد، محمد مهران وآخرين، تأليف أحمد صبحي وإخراج محمد النقلي.

يذكر أن آخر أعمال ريم البارودي كان حكاية بنات السباعي من مسلسل 'حد فاصل'، مع كل من هبة حسن ومحمود حجازى وأحمد جمال سعيد ومحمد التاجي وهناء الشوربجى وغيرهم من النجوم، تأليف محمد إبراهيم عوض وإخراج تامر حمزة.