سلمى أبو ضيف عن تشبيهها بـ شريهان: هنظلمها كده

تحدثت الفنانة سلمى أبو ضيف عن تشبيه البعض لها بالنجمة شريهان.

وقالت سلمى أبو ضيف في لقاء مع 'عرب وود': 'لما بسمع كده بتبسط أوي، بس يعني هنظلمها كده بموت فيها، عمري ما شفتها ولا قابلتها نفسي أشوفها'.

وكشفت سلمى أبو ضيف عن أمنيتها في تقديم أعمال استعراضية قائلة: 'نفسي أعمل حاجة استعراضية، مفيش حد يعمل استعراض أحسن من شريهان مظنش أن في حد جيه ولا حد هيجي تاني'.

على جانب آخر، كشفت سلمى أبو ضيف سر قيامها بنشر صورها أثناء فترة حملها، وهو ما أثار استياء قسم من جمهورها ومتابعيها.

وقالت سلمى أبو ضيف خلال لقائها مع الفنانة إسعاد يونس في برنامج 'صاحبة السعادة' المذاع عبر قناة dmc: 'الناس قفشت أوي إزاي تبيني بطنك! أنا شايفاها حاجة جميلة وده اللي فكرت فيه، وأنا فعلا مبحسبش الأمور إني ممثلة ولازم أفكر الناس هتقول إيه، ودي حاجة ساعات بندم عليها'.

أوضحت سلمى أبو ضيف أن بعض التعليقات على صورها بالحمل أثارت استياءها قائلة: 'كان في تنمر وقلة أدب، وإن دي حاجة ضد المجتمع وإيه المنظر ده. أمك وأمي ومراتك وبنتك وكلنا مرينا بالمنظر بهذا المنظر، ودي حاجة أنا مريت بيها المفروض أحتفل بيها، مش أخليها تقعدني في البيت'.

وأضافت سلمى أبو ضيف موضحة سبب تفكيرها في مقاضاة أصحاب بعض التعليقات المسيئة: 'معنديش مشكلة تنتقد، بس إنك تغلط بتطاول على بيبي لسه متولدش ده كان بالنسبالي شيء مفجع، وناس دعت عليا، وناس شتمت عيلتي وجوزي وبنتي وأمي وأخويا وأبويا'.

يذكر أن سلمى أبو ضيف وضعت ابنتها صوفيا في بداية فبراير 2025.