منة فضالي: مبفكرش في الجواز ... ولو فكرت هتجوز من بره

كشفت الفنانة منة فضالي في لقاء على هامش تكريمها في مهرجان 'الأفضل' The Best الذي أقيم مؤخرا أنها لا تفكر نهائي في الزواج.

أجابت منة فضالي على سؤال: هنشوفك عروسة امتى؟ قائلة: لا أنا عروسة لا! أنا كده حلوة قوي، أنا كده تمام، أنا مرتاحة جدا.

وعن مواصفات فتى أحلامها قالت: معنديش أي فتي أحلام خالص دلوقتي، مبفكرش في الارتباط دلوقي، يوم ما اتجوز هتجوز واحد من بره، هتجوز واحد أجنبي مش واحد واحد مصري، مبفكرش في الارتباط دلوقتي.

وقدمت في كوبرا شخصية شبهي، كانت فكاهية قوي وبتحب تضحك على طول، وأنا كده للأسف، لإن في ناس بتقول دي عبيطة وهبلة.

وعن الموقف الذي لا ينسى مع محمد إمام في كواليس مسلسل 'كوبرا' قالت:مشهد كان فيه فار حقيقي ومحدش قال لنا، ولما اكتشفت قعدت أشده بره الكادر، وجريت وكنت هوقع الكاميرات.

وعن اشتراكها في مسلسل 'سيد الناس' لرمضان 2025 قالت منة فضالي: مسلسل قوي وكاست عظيم، والأستاذ محمد سامي أكيد بيقدم أعمال متميزة، لكن مش هقدر اتكلم عن أي تفاصيل.