محمد رمضان: أنا علامة تجارية ووصلت لطبقات كانت رفضاني

حل الفنان محمد رمضان ضيفا على برنامج 'ضيفي مع معتز الدمرداش' عبر قناة 'الشرق للأخبار'.

وتحدث محمد رمضان عن مشواره الفني والعقبات التي واجهته خلال مشواره الفني وأصدقائه في الوسط الفني.

وإليك تصريحات محمد رمضان في برنامج 'ضيفي مع معتز الدمرداش':

- في بداية مشواري قررت أطرق كل الأبواب وكن بسأل عن منتجين وفنانين يساعدوني.

-الجمهور اداني إشارة إنه حب أغنية نمبر وان اللي عملتها الأول في إعلان إحدى الشركات.

-اللي عمل مسلسل الأسطورة وابن حلال ونسر الصعيد وقلب الأسد ينفع يعمل أغنية اسمها نمبر وان.

-كان أقصى طموحي إني أكون ممثل والمخرج يقول لي برافو عليك وزملائي يقولوا لي أدائك كويس فحصل لي حالة تشرس.

-تحول الطموح البسيط بسبب بعض العوامل اللي قابلتها في مهنتي من إحباطات وعقبات وحروب على الممثل الصغير اللي عاوز يعمل مشهدين حلوين ويمشي.

-محمد صلاح صديقي جدا يمكن الناس متعرفش دا لكن أصحاب وبنتكلم على طول وعاملين فولو لبعض على انستجرام من قبل ما ندخل كأس العالم

-معظم أصدقائي من مجالات مختلفة، يعني تاجر حديد كبير ومقال كبير، وطبعا اتشرف بصداقته وأخوته المهندس نجيب ساويرس وكتير جدا صديقي جدا المهندس محمود الجمال.

-مفيش مغني بيغني للذات، المهندس هيبقى حابب يسمع أغنية نمبر وان والدكتور والنجار، ولقب نمبر وان بقى براند وبشكر سوق الإعلانات في مصر اللي من خلاله درست التسويق وعجبني الفكرة

-بتعامل أني علامة تجارية في حد ذاتي، وأنا منتج يمكن تقديمه بيبيع في السينما وفي المسرح وبيبيع في الدراما وبجيب إعلانات

-مفيش ولا فنان عربي عنده على يوتيوب 5 مليار مشاهدة.. أنا عندي 5 مليار و100 مليون وعلى تيك توك عندي 9 مليار.

-يمكن اللي بيميزني أني مش بخاف، ووصلت لمكان كبير في الدراما بعد مسلسل الأسطورة.

-وأنا صغير كنت بقرأ آية وأما بنعمة ربك فحدث، فكنت فاكر معنى حدث يعني طور ولكن عرفت معناها إني أتحدث وأقول

-قدرت أوصل للطبقات اللي كانت بترفض محمد رمضان تمامًا، والطبقة الشعبية مميزاتها إنها بتديك العمر الأطول.

- الرحلة أنا مبسوط بيها جدًا بدأت من ضواحي الجيزة والمنطقة اللي أنا اتولدت فيها شكلت جزء كبير في شخصيتي وخيالي.

على جانب آخر، انشغل محمد رمضان الأيام الماضية في تصوير فيلمه الجديد 'ع الزيرو' الذي ينافس به في موسم عيد الأضحى 2023.

ويقدم محمد رمضان خلال أحداث الفيلم شخصية 'حمزة' يعمل دي جي وشهرته 'دراجون'.

فيلم 'ع الزيرو' من تأليف مدحت العدل، إنتاج العدل جروب، إخراج محمد العدل، وبطولة محمد رمضان ونيللي كريم والطفل منذر مهران.

يذكر أن محمد رمضان يعرض له في السينما فيلم 'هارلي'، الذى حقق نجاحا كبيرا خلال الأيام الماضية منذ بداية عرضه في السينمات المختلفة.

فيلم هارلى بطولة محمد رمضان والنجمة مي عمر، ومحمود حميدة، وأحمد داش، وحسنى شتا، ومي كساب، نشوى بلال، وإسماعيل فرغلى، باسل الزارو، حازم إيهاب، والعمل من تأليف محمد سامى ومحمد سمير مبروك، وإخراج محمد سمير.

حمل آبلكيشن FilFan ... و(عيش وسط النجوم)