لايف ستايل
موقع كل يوم -في فن
نشر بتاريخ: ٤ حزيران ٢٠٢٣
تحدث الفنان مصطفى حشيش عن والدته ووفائها لوالده حتى وفاته.
وخلال حلوله ضيفا على برنامج 'كلام الناس' من تقديم ياسمين عز عبر قناة mbc مصر، قال مصطفى حشيش ' 'أبويا ميت سنة 1975 عنده 65 سنة أمي توفت 2007 عن عمر 93 سنة ولحد ما كان عندها 90 سنة كل جمعة كانت تطلع هدومه تغسلهم وتكويهم وتحطهم تاني في الدولاب وتحط نفتالين يعني حوالي لمدة 30 سنة، وكانت بتروح تزوره دايماً في المقابر من بعد صلاة الجمعة لحد صلاة العشا لوحدها'.
وخلال اللقاء عبر الفنان مصطفى حشيش عن رفضه تصرفات بعض النساء العاملات ورفضهن وضع أي جزء من أموالهم الخاصة كمساهمة في مصروفات المنزل.
واعترض مصطفى حشيش على هذه التصرفات مشددا على أن الزوج عليه التدخل ومنع زوجته من العمل، واصفا هذه الحالة بـ'السلبية'.
وقال مصطفى حشيش: 'المفروض تبطل شغل وجوزها يجبرها أنها تبطل شغل حتى لو هيعيشها على قد مرتبه'.
وحكى مصطفى حشيش أنه عندما تقدم لطلب يد زوجته لم يدفع مهرا لها ولم يطلب من أسرتها شراء أي شيء مضيفا: 'قولت أنا عايزها بشنطة هدومها، عشان لما أجيب فازة وأنا بشتغل، ولو اتعصبت عليها شوية لما تيجي تنضف الفازة دي تعرف أنا قد إيه تعبت لما بجيبها فتحافظ عليها لكن لو الفازة جاية بسهولة هتكسرها'.
وأكمل مصطفى حشيش: 'لازم كل ست تعيش على قد دخل جوزها ومتشتغلش، ولو اشتغلت وساعدت في مصروف البيت هتقوله انا بساعد زي زيك، ودا في حالة لو مش مضطرة للشغل فقط'.
يذكر أن مصطفى حشيش شارك في رمضان 2023 بمسلسل 'حضرة العمدة'.
مسلسل 'حضرة العمدة' من بطولة روبى، بسمة، سميحة أيوب، لطفى لبيب، صلاح عبد الله وأحمد بدير، دينا، وفاء عامر، ومحمد محمود عبد العزيز، وإدوارد، ومحمود حافظ، وإيهاب فهمي، وكريم عبد الخالق، ومحمد الصاوي، ونهلة سلامة، وحسام داغر، وصولا عمر، وتأليف إبراهيم عيسى وإخراج عادل أديب، ومن إنتاج ريمون مقار ومحمد محمود عبد العزيز.
حمل آبلكيشن FilFan ... و(عيش وسط النجوم)
