صابرين تكشف آخر مكالمة مع طارق عبد العزيز ومجدي الهواري يعلن وصيته

طارق عبد العزيز

كشفت الفنانة صابرين، عبر حسابها الخاص على 'فيسبوك'، آخر مكالمة جرت بينها وبين الفنان الراحل طارق عبد العزيز، وذلك قبل وفاته بساعات إثر إصابته بأزمة قلبية مفاجئة، مشيرة إلى أنه أخبرها بأنه غير سعيد.

وكتبت صابرين قائلة: 'طارق أنت كنت لسة مكلمني أول امبارح، وكنت بتقولي إنك مضايق وبتشتغل من غير نفس ومش مبسوط، وشفت فيلم وأنا طفلة وكنت عاوز تكلمني علشان بتحس إني طيبة طول عمري، وابتسامتي بتحسسك بالزمن الحلو'.

وأضافت: 'هو أنت ليه كلمتني كنت بتودع صحابك لا حول ولا قوة إلا بالله.. عزائي الوحيد إنك في آخر المكالمة كنت بتضحك وقولت لي إنك دلوقتي مبسوط بس أنا حزينة وقلبي وجعني قوي يا طارق دموعي مش مخلياني عارفة أكتب إيه.. روح يا طارق عند اللي إن شاء الله هتسعد بجواره ويسكنك الفردوس الأعلى يا أطيب خلق الله ياه علي الوجع ربنا يصبرنا جميعا'.

كما كشف المخرج مجدي الهواري عبر حسابه الخاص على 'فيسبوك' عن تفاصيل وصية الفنان الراحل له قبل وفاته.

وكتب الهواري قائلاً: 'زي ما قولتلك لما أموت يا مجدي ابقى قول للناس عندك تترحم عليّا أنت حبايبك كتير.. حاضر يا طارق والنبي يا ناس دي وصية.. تعالوا نترحم عليه كلنا'.

وأضاف: 'بس عايز أقولك إنك حبايبك كتير أوي أنت كمان يا طارق.. وأهو الدليل رحمة الله عليك يا صاحبي وعليكم السلام ورحمة الله وبركاته إنا لله وإنا إليه راجعون. ومش مصدق والله إلى الآن'.

وكان طارق عبد العزيز قد رحل مساء أمس (الأحد) عن عالمنا، إثر إصابته بأزمة قلبية، أثناء تصويره مسلسل 'وبقينا اتنين' بطولة الفنان شريف منير ورانيا يوسف.

وأشار المنتج كريم أبو ذكري منتج المسلسل إلى أنه لم يكن هناك إجهاد من أي نوع على طارق عبد العزيز أثناء التصوير، قائلًا: 'كنا بنصور بقالنا حوالي أربع ساعات فقط، وهو كان جاي فريش وبيضحك، ومكنش باين عليه أي بادرة من أي نوع لتعب، وفجأة وقع في اللوكيشن ونقلناه المستشفى، وبعدها بساعة اتوفى'.