فيديو نادر- أحمد السقا يحكي عن قصة زواجه من مها الصغير: طلبت إيدها الفجر في رمضان

فاجأ الفنان أحمد السقا جمهوره بإعلان خبر طلاقه من زوجته الإعلامية مها الصغير.

زواج أحمد السقا ومها الصغير استمر لمدة 26 عاما، وقصة ارتباطهما طريفة كما حكاها هو في فترة خطوبتهما في لقاء أجراه مع الإعلامية هالة سرحان واستضافت فيه مها الصغير أيضا.

وتحكي مها الصغير عن أول لقاء جمعها بأحمد السقا وتقول: 'أنا أصلا أعرف أخته بس مش من فترة طويلة واتعرفت عليه'.

ليكمل أحمد السقا: 'حصل كيميا ما بينا توافق أرواح زي ما بيقولوا، واخدت القرار وقلتلها لأن أنا مبدأي في الحياة أقصر طريق بين نقتطين الخط المستقيم'.

وأكمل أحمد السقا: 'قلت لها لازم نتجوز وكنا في رمضان وكلمتها كنت بصور مسلسل وقتها وهي كانت بتتسحر والفجر قرب، قلت لها لازم نتخطب، قالت لي أه، قلت لها طيب بابا فين قالت لي نايم قلت لها صحية'.

وتابع أحمد السقا: 'باباها قالي خير يا أحمد؟ قلت له حضرتك إيه أقصر طريق بين نقتطين؟ قالي خط مستقيم، قلت له أنا عايز اتجوز بنتك، راح قايل لها عايز يتجوزك أقوله إيه، وقالي طيب نقعد ونتكلم'.

وأعلن الفنان أحمد السقا طلاقه من زوجته الإعلامية مها الصغير بعد زواج بعد زواج دام 26 عاما.

وأوضح أحمد السقا في منشور عبر حسابه على Facebook أنهما انفصلا منذ 6 أشهر والطلاق الرسمي وقع قبل شهرين.

وكتب أحمد السقا: 'عشان الناس اللى بتسأل أنا والسيدة مها محمد عبد المنعم منفصلين منذ 6 شهور وتم الطلاق منذ شهرين تقريبا وأعيش حاليا لأولادي وعملي وأصدقائي المقربين وأمي وأختي وكل تمنياتي لأم أولادي بالتوفيق و(الستر)'.