قالوا له أنت أسود زي أبوك.. محمد رمضان يتحدث لأول مرة عن أزمة نجله بعد قرار إيداعه دار رعاية
klyoum.com
أخر اخبار لبنان:
جزين أم المعارك وأهلها أمام استحقاق تاريخي: التغيير أو القوقعةقالوا له أنت أسود زي أبوك.. محمد رمضان يتحدث لأول مرة عن أزمة نجله بعد قرار إيداعه دار رعاية
أصدر الفنان محمد رمضان بيانًا رسميًا، معربًا عن استيائه وغضبه من انتهاك خصوصية نجله ونشر صوره مقترنةً بالقضية المنسوبة له، وكذلك التعامل معه بعنصرية والتنمر على لونه.
ونشر محمد رمضان عبر حسابه الرسمي بموقع إنستجرام، صورًا من قانون مصري ينص على ضرورة حجب هوية الطفل واسمه وصورته عن الإعلام والصحافة حتى لو كان مُجرد شاهد في قضية، ولكن لأن الطفل ده أبوه محمد رمضان (يبقى حلال) وبالأمر يصدروا بيان صحفي لكل الصحف والمواقع العامة والخاصة والحكومية انشر صورة ابن محمد رمضان واكتب إنه هيتاخد من أمه وأبوه وهيروح دار الرعاية، مع إن القانون بيمنع النشر ولكنهم نشروا.. من حقي كأب اعرف مين خالف القانون واصدر البيان الصحفي اللي مفيش مؤسسة واحدة قدرت ترفض نشره. واضاف رمضانانه كان قاعد في حاله مع أخته الصغيرة في النادي وراحوله مجموعة أطفال يقولوله أنت أسود زي أبوك وأبوك عنده ڤيلا كبيرة وعربيات علشان فلوسه حرام إنما إحنا عايشين في شقق نيو جيزة علشان أهالينا مش حرامية.. ولما ابني كلمني في التليفون سمعت الكلام ده بنفسي.. وواضح إن ده كلام أهل طفل منهم لأن مستحيل طفل يفكر كده، وده في حد ذاته بيزرع الحقد والغل الطبقي بين الأطفال.
عمومًا دي حلقة من سلسلة طويلة من الاضطهاد الواضح والقسوة والتعنت تجاهي لأكثر من 11 سنة وبكتب النهاردة بس علشان ماتخيلتش إنهم يدخّلوا طفل عنده 11 سنة في معركتهم مع أبوه.. ماتوقعتش قسوة الحكم والتشهير بيا وبعيلتي للدرجة دي