"متل ما شايفين ما بقي منو شي".. ممثل لبناني خسر منزله في القصف الإسرائيلي

خسر الممثل حسين مقدم منزله في العدوان الإسرائيلي على لبنان، إذ لم يبقَ له أثر بعد سقوط صاروخ مدمر على الذي يعيش فيه في الطابق الأخير.

ونشر مقدم، الذي اشتهر بشخصية "شقلوب"، فيديو مؤثر وقف فيه على دمار منزله عبر حسابه على "انستغرام"، وقال: "متل ما شايفين بيتي كان هون ما بقي منو شي، بس الحمد الله قدرت أسحب بدلة شقلوب، محروقة من تحت بس بتتزبط، زمطت هي ومنشر الغسيل يمكن كانوا على البالكون، وأنا بيتي آخر طابق، ولما وقعت البناية وقع بيتي على الواجهة، قدرت أسحب كم شغلة".

وأضاف موجهًا رسالة للعدو الإسرائيلي: "الحمد الله الله بعوض، إنه هيدا العدو المجرم منقلوا يمكن فيك تتقشّط الحجار عالأرض، بس ما فيك تقشّطنا الأرض..لا هون ولا بالجنوب ولا بأي محل بلبنان، ما رح تطلع معنا براس، لأنه احنا شعب بقلبنا الحياة، وقت البسط والسهر بتشوفونا أول الناس، ووقت ما بدنا ندافع عن أرضنا وشعبنا وسيادتنا بتشوفونا أشرس الناس.. يا واش يا واش".

اخبار لبنان على مدار الساعة