بيروتيات... مصطلحات وطيبة إنسانيّة»!

إنّها مصطلحات بيروتيّة عجز Google عن ترجمتها، منها على سبيل المثال لا الحصر: صار واتصوّر، فايق ورايق، بشحمو ولحمو، الشاردة والواردة، كاني ماني، طبخ ونفخ، طبل وزمر، طنّة ورنّة، فلان وعلّان، همّ وغمّ، حين ومين، صدّ وردّ، طاخ وطيخ، خود وجيب، خود واعطي، سرّي مرّي، قلّي لقلّك، سيّاح نيّاح، طالع نازل، نطّ ما حطّ، شروي غروي، خبط لزق، قشّة لفّة، حُق بُق، قايم قاعد، لا بيهش ولا بينش، خِدني جيتك، تيتي تيتي متل ما رحتي متل ما جيتي، من بيت شقّو لبيت لقّو، خنطق منطق، ضرّاب السّخن، خصّ نصّ، أوّل عمنوّل، وين غاطس؟ انجق! وين غاطط؟ هون حطّنا الجمّال، ما بترسي ع برّ، سنجق عرض، حمّى تنقرك نقر، بِلي تسترك ستر، بِلي اطمّك طمّ، سنغي طقّ، بزّق ولزّق، حفر وتنزيل... وأكتر شي بتعجبني جملة «شو في ما في؟»، وهي أداة للسؤال عن كلّ شيء بكلمتين! تحيّة كبيرة للبيارتة، تحيّة طيّبة لأهل النخوة والشهامة، تحيّة إكبار لأهل العاصمة الكبار، بصبرهم، بصمودهم، بعطائهم، وبمحبتهم للخير على مرّ الزمان... ملاحظة لغويّة: في اللكنة البيروتيّة الأصيلة، يُلفظ حرف القاف (ق) على صورة الألف المهموزة (ء)، فيُقال مثلًا: فايق ورايق تُلفظ فايِء ورايِء، وهذا من سمات اللهجة البيروتية القديمة التي تمتاز بالرقة والعفوية وتعبّر عن سلاسة اللسان البيروتي الأصيل. إنّهم جوهرة لبنان!

القاضي م. جمال الحلو

اخبار لبنان على مدار الساعة