أية سماحة توجه رسالة لصناع العمل بعد حكاية كاملة «فيديو»

شاركت الفنانة أية سماحة المتابعين عبر حسابها الرسمي بموقع تداول الصور والفيديوهات «إنستجرام» كواليس تصوير مشاهد حكاية كاملة من مسلسل حدث بالفعل خلال الساعات القليلة الماضية، مشيرة إلى سعادتها بالتعاون مع صناع العمل.

وكتبت أية سماحة عبر حسابها الرسمي بموقع «إنستجرام» عن مشاركتها في حكاية كاملة، «عايزة أشكر كل الناس اللي تعبت عشان نقدم لكم شغل محترم ومعمول بحب واجتهاد، وبشكركم من قلبي على المجهود الجبار وحبكم واحترامكم لشغلكم، أنا اتشرفت بالشغل معاكم، أستاذ وائل فرج شكرًا أنك كنت واثق فيا وأنك كنت السبب أني أعمل دور من أهم الأدوار اللي عملتها وعلى حبك واهتمامك بالممثل».

وأضافت: «المخرج فادي النجار مبسوطة أننا اتقابلنا بعد كل السنين دي وكل واحد فينا بيحقق حلمه فخورة بيك جدًا، حاتم سمعان منتج محترم وقد كلمتك دايمًا ومبسوطة بالشغل معاك، محمد عبد الرؤوف وكل طاقم التصوير بشكركم على شغلكم الخطير».

وتابعت: «ضحى مختار دايمًا معايا وناجحين مع بعض وعايزة أشكرك على تعبك فكل حاجة معايا أنا كسبت صاحبة بجد، داليا أبو طالب وربى أحمد فخورة وبحبكم جدًا وبحب لما بشوف ستات شاطرة وناجحة زيكم».

وواصلت: «ياسمين عيسى الشطارة كلها مشفتش حد في شطارتك ولذاذتك.. تسلم إيديكم، شاهين حبيت الشغل معاك جدًا وإن شاء الله تكسر الدنيا، أحمد عبد الحميد يا حميدو مبسوطة وفخورة بيك جدًا وبكل خطوة بتاخدها».

وأضافت أية سماحة: «أحمد فهيم مبسوطة أني قابلت حضرتك واشتغلنا مع بعض، تامر فرج أنت ممثل خطير يا تامر والشغل معاك ممتع، بسنت حاتم مبسوطة بيكي وعارفة قد إيه كنتي بتجتهدي وتستاهلي كل حاجة حلوة، ماري جرجس أحلى ماري في الدنيا قمر وجميلة و تدخلى القلب وممثلة خطيرة اتشرفت بالشغل معاكي».

وتدور أحداث حكاية كاملة حول، كاملة التي تلتقي بطبيب نفسي في كواليس أحد البرامج التليفزيونية التي تظهر بها، وتقابله مرة أخرى في حفل عيد ميلاد صديق مشترك ومنذ لقائهما ومساعدته لها تتقارب كاملة مع الطبيب النفسي “شاهين”، وتختتم الحلقة أحداثها بظهور فتاة مرعبة سبق وأن ظهرت لكاملة أكثر من مرة خلال مسلسل حدث بالفعل حكاية كاملة الحلقة الأولى وتكاد كاملة تدهسها بسيارتها.

اخبار مصر على مدار الساعة