«ابعتلي رقمك».. تامر حسني يشيد بصوت أحمد الحجار
klyoum.com
أشاد الفنان تامر حسني، بموهبة المغني الشاب أحمد الحجار، نجل الفنان علي الحجار.
نشر «تامر» عبر خاصية الاستوري بـ«إنستجرام»:«أحمد الحجار الفنان الحقيقي المبدع ابن المبدع، الله عليك يا أحمد ما شاء الله عليك، وكمان شوفتلك أغنية أنا لك على طول لحليم، مش ممكن الهارموني الرائع اللي ضيفته».
وأضاف حسني: يا ريت تبعثلي رقمك على الخاص، لازم نشتغل مع بعض ولازم تعمل موسيقى تصويرية ولازم نعمل ميوزيكال، بفنك ده أعتقد الميوزيكال من اهتماماتك واللي نفسك تقدمه.
كان الفنان أحمد الحجار، قد شارك في حفل مشروع «100 سنة غنا»، وقدم مع والده الفنان علي الحجار أغنية «أكرمنا يا رب» من ألحان الراحل أحمد الحجار، على خشبة المسرح الكبير، بدار الأوبرا المصرية، وسط تفاعل كبير من الجمهور.
وعلق تامر حسني على مقطع الفيديو، عبر حسابه الرسمي على «إنستجرام»: «ماتيجوا ندعي لنفسنا وندعي لبعض في ليلة الإسراء والمعراج، أنا عن نفسي هدعيلكم إن ربنا يقربلكم كل أحلامكم البعيدة ويبارك في صحتكم ويشفي مرضاكم وينجحكم كلكم في دراستكم وأشغالكم وفي علاقاتكم وفي كل حلم بتحلموه ويحفظلكم أولادكم وأخواتكم وأبهاتكم وأمهاتكم وكل عيلتكم وأصحابكم وكل اللي بتحبوهم ربنا يحفظنا من شر أنفسنا ومن شر السوشيال ميديا ومن شر الدنيا يارب لاحول لنا ولا قوة إلا بك».
وأختتم: «متنسوش تدعولي يا حبايبي أنا وولادي ومامتهم وأهالينا، كل سنة وإنتوا طيبين».