عمرو سلامة: الزمالك شبه مصر.. ولما نفوز على الأهلي مرة نفرح بيها أوي

تحدث المخرج والسيناريست عمرو سلامة عن انتمائه لنادي الزمالك، خلال حلوله ضيفًا على بودكاست “فايق ورايق” الذي يقدمه الإعلامي إبراهيم فايق، كاشفًا عن علاقة متقلبة مع كرة القدم امتدت لسنوات طويلة.

وقال سلامة: “أنا قعدت 9 سنين مبطل سجاير وزمالك، لا سيجارة ولا ماتش زمالك. الزمالك ضار أكتر بالصحة، عندي نظرية إن الزمالك شبه مصر أوي، بيحبطك وقت الأمل ويديك أمل وقت السواد، دي درامته، وده اللي بيخليه جميل”.

وأضاف: “من 2004 لـ2013 كنت مقاطع الكرة خالص، ورجعت لها لما مصر تأهلت لكأس العالم في 2018، حسيت إن فيه أمل، لكن رجعت الحزن تاني في 2019 مع القاضية ممكن”.

وتابع سلامة حديثه عن جمهور الزمالك قائلاً: “إنك تطلع زملكاوي ممكن يكون بسبب العيلة أو الصحاب، لكن إنك تكمل زملكاوي بحماس ده قرار، لأن الزمالك ممكن يفقدك الأمل في الكرة، فلو فضلت زملكاوي متحمس، أكيد فيك صفات زي الصبر، التعاطف، الولاء، والقدرة على تحمل الصدمات”.

وعن الفوارق بين الأهلي والزمالك، قال سلامة: “المصيبة إن الكل بيقنعك إن الكرة أهلي وزمالك، لكن الحقيقة إن الموضوع أهلي والباقي. اللي معاه فلوس أكتر واستقرار وإدارة، أكيد هيكسب. وإحنا كزملكاوية دايمًا بنتحط في مقارنة مش عادلة، ومجرد الفوز على الأهلي مرة، المفروض نفرح بيه أوي، لأن ظروفنا مش بتسمح بأكتر من كده”.

من ناحية أخرى، يُعرض لعمرو سلامة خلال الفترة المقبلة مسلسل “بريستيج”، الذي تدور أحداثه في إطار من الغموض والتشويق حول جريمة قتل غامضة داخل مقهى في وسط القاهرة خلال عاصفة تضرب المدينة، ويشارك في بطولته نخبة من النجوم، منهم محمد عبد الرحمن، مصطفى غريب، دينا، سامي مغاوري، وزياد ظاظا

اخبار مصر على مدار الساعة