قاطعتها لمدة سنة.. إيناس عز الدين تروى تفاصيل أزمتها مع والدتها

أثارت المطربة إيناس عز الدين حالة من الجدل الواسع بعد حديثها عن علاقتها بوالدتها وما شهدته من توتر بسبب خطيبها. 

وأوضحت إيناس عز الدين خلال لقائها في برنامج "قعدة ستات" مع الإعلامية مروة صبري: "دا حصل فعلا، وأنا عندي 18 سنة وعيلتي وجيراني كل الناس عارفة القصة بتفاصيلها، علاقتي بوالدتي اتقطعت لمدة سنة وبعدها رجعت تاني وحاولت أتخطى والتمس اعذار وعشت وكملت حياتي وربنا رزقني بجوزي، ومش ندمانه أنها عملت كده بالعكس مبسوطة لأنها لو مكنتش عملت كده كان زماني مع بني آدم مختل".

وأضافت إيناس عز الدين: "هو سابني وبعدها بـ4 شهور عرفت أنهم متجوزين من وقت ما هو سابني، هو جيه خطبني وحصل تواصل ما بينهم وسابني من هنا واتجوز أمي وأنا مكنتش اعرف، ولحد النهاردة معرفش التواصل دا حصل إزاي، هما اتجوزوا سنة، لما سألتها ليه عملتي كده قالت لي فضلني عليكي".

وقالت إيناس عز الدين عن خطيبها السابق : "هو كان جواز يعتبر صالونات وكان عندي 18 سنة وكنت عايزة اهرب من ضغوط عايشة فيها وهي كانت سبب فيها، أنا بعد اللي حصل دا فقدت ثقتي في كل خلق الله بلا استثناء".

وأشارت إيناس عز الدين إلى أنها عاشت طفولة صعبة قائلة: "أنا عشت طفولة قاسية بسبب ظروف أسرية، والدي توفى وأنا عندي 5 سنين جدتي والدة والدتي هي اللي أخدتني أنا وأختي وربتنا، أمي معرفتش تتحمل مسئوليتنا، مش كل الناس عندها غريزة الأمومة ومش كل الناس تقدر تستوعب أن يبقى عندها أطفال، في أم ممكن تولد وترمي عشان هي مش عارفة تتعامل هي مش بتعرف تتعايش غير مع نفسها فقط".

اخبار مصر على مدار الساعة