صدمت الإعلامية المصرية، أسما شريف منير، إبنة الفنان شريف منير، الجميع، اليوم الاثنين، بعد إعلان خبر انفصالها عن الممثل، محمود حجازي.

ونشرت أسما شريف منير تدوينة عبر حسابها الشخصي على موقع التواصل الاجتماعي إنستغرام، طالبت فيها من المتابعين احترام خصوصية الموقف وكتبت: 'يا ريت بعد إذنكم تحترموا خصوصية الموقف، من غير شائعات ولا اجتهادات ولا أسئلة.. محصلش نصيب.. بكل احترام.. ونقطة.. ربنا يكرمنا احنا الاتنين.. بس كده مفيش أي تفاصيل تانية للصحفيين بعد إذنكم.. إحنا كان في بيننا عشرة وعيش وملح، فأكيد مش هنتكلم عن تفاصيل بيتنا'.

وقبل إعلان الانفصال بساعات، كتبت أسما: 'صدمات كتير في حياتي الفترة دي عمالة تحصل والحمد لله أكيد خير طبعًا بس حقيقي من أصعب الفترات اللي عديت بيها ولسه بعدي كذا شخص اتصدمت فيهم ناس قريبة أوي أوي ليا مع إنى عمري ما أذتهم لكن هما أذوني بكل سهولة'.

وأضافت: 'للأسف البرنامج اللي في رمضان اتلغى وده خارج عن إيدي وغصب عني وكنت متحمسة جدًا إنى أخيرًا هعمل برنامج في المطبخ لأنه كان من ضمن أحلامي بس أنا عندي ثقة في ربنا إنه هيعوضني خير عن كل حاجة أنا مريت بيها ولسه بمر بيها لأنه عارف نيتى ومطلع على قلبي.. بحبكم جدًا وآسفة إنى طولت عليكم'.