علّق الإعلامي أحمد شوبير على الأزمة التي يعيشها نادي الإسماعيلي ، حيث وجّه نقدًا لاذعًا لآلية إدارة النادي والمسؤولين عنه خلال السنوات الأخيرة.

وقال شوبير عبر حسابه على موقع التواصل الاجتماعي فيسبوك: 'الكارثة جت السنة اللي فاتت، وانتفضنا وقلنا لأ، الإسماعيلي يستحق فرصة، وتم إلغاء الهبوط، وبقى الإسماعيلي في الدوري الممتاز'.

وأضاف: 'إيه اللي حصل بعد كده؟ ولا حد عمل حاجة، واللي بيدّعوا إنهم أبناء الإسماعيلي محدش منهم عمل حاجة'.

وتابع: 'حتى لو الإسماعيلي بقى في الدوري مرة تانية، مفيش حاجة هتتغير، عشان محدش بيحل مشاكل النادي، وكل مجالس الإدارات اللي جت مؤخرًا لم تقدم أي شيء، وكانت مهزلة في آخر 4 سنوات، وكل عبد مشتاق وصل لمجلس الإدارة لم يفعل أي شيء'.