تحدثت الفنانة بسنت شوقي عن الشائعات المنتشرة حول حملها وانتظارها هي وزوجها الفنان محمد فراج أول أبنائهما.

قالت بسنت شوقي: 'أنا مش برد على الإشاعات خالص، بس لقيت الموضوع بيكبر أوي أوي، وأنا لغاية انهاردة جالي أكتر من 5 آلاف رسالة، سواء شخصية أو من الشغل بيباركوا لي وكدة، وأنا حسيت إني لازم أطلع وأقول، أنا مش حامل وكل اللي حصل اني نزلت أنا ومحمد Story، إن فيه مفاجأة، والمشكلة إن محمد كان لازم بينك وأنا بقالي فترة قاعدة بقول أنا مش قادرة استغنى عن البينك وبتاع، فالناس توقعت اني حامل في بنت، بس والله العظيم أنا مش حامل، ولو أنا حامل، مش حاسة إن لا أنا ولا محمد هنقولها بالطريقة دي، وبعدين ليه بكرة حامل؟ ما أنا حامل انهاردة، مش احنا'.

وأضافت: المفاجأة كانت الفيديو كليب 'مستنيك' لحسين الجسمي، عشان أنا ومحمد عمرنا ما عملنا حاجة زي كدة قبل كدة، لإن الفيديو كليب بفكرته وإخراجه وكل حاجة، لأن هشام جمال عمل حاجة مختلفة جدا عشان كدة إحنا فضلنا نقول مفاجأة كبيرة.

وتابعت: عايزة أقول بس شكرا جدا على كل المشاعر الجميلة، والدعاء اللي جالنا إن ربنا يرزقنا الذرية الصالحة يارب في يوم من ما ربنا يريد، وبجد أنا حاسة بكل الحب، بس لسه ربنا مأردش، وبعدين يا جماعة أنا خاسة أصلا!