شباب Génération Z يتظاهرون مساء ذكرى 14 جانفي وسط العاصمة (فيديو)
klyoum.com
أخر اخبار تونس:
قريبا: الفنان نور شيبة يغني لأحبائه من الجالية التونسية بسويسراتفاجأ المواطنون بخروج الى شارع الحبيب بورقيبة مساء اليوم 14 جانفي في الذكرى 15 للثورة، أفواج من شباب Génération Z يؤكدون أن لا شيء تغير منذ هذا التاريخ… و في ما يلي ما نشرته صفحة قبل تواجدهم في الشارع الرئيسي للعاصمة:
"هاو قلّك باش يحرقو مركز الشرطة.. كل واحد يخرج ويعس على دارو وحومتو.. شدّو كرهبة بارتنار بيضاء فيها السلاح.. والمعلّم قالو هز الطيارة وڨطّع للسعودية..
هاذي شويا من برشا جمل سمعتها وقت الثورة..
نتفكر الليالي الي خرجو فيها رجال الحومة يعسّوا بالعصي والسلاح.. نتفكر كيفاه ممّاتي شدت سردوك عربي وطيبت الكسكسي للرجال عقاب الليل وهوما يعسّوا.. نتفكر كيفاه الدنيا داخلة بعضها ليلة 14 جانفي.. وكيفاه تفجعنا على أختي كيف قعدت للـ5 متاع العشية ما روحتش من الخدمة..
أما بعد هذا الكل.. زعما شنوا تبدّل بعد 14 جانفي 2011 لين وصلنا لليوم 14 جانفي 2026 ؟
بطالة وفساد ورشوة وزطلة وسيستام طايح ودوايات مفقودة وكيران خايخة وكرهبة من عهد الاستعمار بـ20 مليون وغيرو وغيرو.. رغم هذا الكل مازال فمت أمل باش تتصلّح.. كان موش لينا.. على الأقل للي بعدنا..
فما جملة تعجبني برشا وخرجت من رحم الأحياء الشعبية..
صنعوها الفقراء.. وسرقوها الأغنياء".