سوسن معالج تنعى زميلها الممثل القدير فتحي الهداوي

في التدوينة التالية التي نشرتها اليوم الجمعة على حسابها الخاص بالفايسبوك، عبرت سوسن معالج بالعامية التونسية عن مشاعرها ازاء الراحل الفنان القدير فتحي الهداوي الذي ترك لوعة في قلوب التونسيين عامة:

*عشت بطل و روحت بطل يا فتحي يا غالي يا كبير ،

شويتنا يا خويا ، خليتنا يتامى حزانى ، ظهرنا يزفر فيه الريح ،

مصيبتنا فيك كبيرة كبر بلاصتك في أعمالك

في قلوبنا في تاريخنا و في ذاكرة البلاد

لن تتكرر يا هدّاوي ، وتلك مصيبة أخرى ..

شكون يلمّنا توا ؟ شكون يسندنا ؟ شكون يعلّمنا ، شكون يرصّنا يقلّنا أهفتو ؟ شكون يلمّنا في خدمة ؟ شكون يهزّنا

و يعلّينا في عينين الناس ؟ شكون يحامي علينا ؟ شكون يصالحنا كي نتعاركو ؟ شكون يهز البارا لفوق ؟ شكون نشاورو أحنا توا ؟ لشكون خليتنا وراك يا فتحي ؟

لاإلاه إلا الله ولا حول ولا قوة إلا بالله .

اللهم أجرنا في مصيبتنا و تقبل روحه الطاهرة في رياض الصالحين اللهم ٱمين".

اخبار تونس على مدار الساعة