الد. العباسي يكتب حول التهم الموجهة ضد بن غربية و غيره…

حملة بشعة يشنها مواطنون على صفحات التواصل الاجتماعي لاغراق مهدي بن غربية في تهم لا تنتهي و ضد العديد من المعتقلين السياسيين، الدكتور ماهر العباسي كغيره من العقلاء يتفاعل و يكتب اليوم ما يلي على صفحات التواصل الاجتماعي و يطرح السؤال التالي: "الغل الي عندكم مازال ما بردش ؟؟؟"

مضيفا: "مهدي بن غربية تكرهوه ؟؟ اهوكة عندو ثلاثة سنين في الحبس و محروم باش يشوف ولدو الي هو يتيم الام … ما بردتوش باقي عندكم غل ؟؟

عبير تكرهوها اهيكة عندها عامين في الحبس باقي شيء ما بردتوش باقي تسبو فيها

الغنوشي راجل عمرو ثمانين سنة اهوكة في الحبس علاش مازلتو تغلغلو

سنية برهان مراد شريفة سعدية علي العريض عبد الحميد البحيري عصام خيام جوهر كمال المرايحي الزمال الصحبي عتيق البشير العكرمي غازي و يسامحوني الي نسيتهم اهوكة الباهي فيهم عندو عام حبس … باقي لم يشفى غليلكم … مازلتو تسبو و تحرضو و تحبو تنتقمو ….. شنعملولهم باش تبردو ؟؟ نشنقوهم في ساحة عامة ….

راو الحقد و الكره و الغل نار تحرق مولاها قبل ما تحرق الخصم متاعو ….. ارحمو رواحكم مالحقد راو حاجة تمرّض … و خاصة ارحمو العباد و البلاد و ارحمونا احنا رانا كرهنا عيشتنا ….. و السلام…".

اخبار تونس على مدار الساعة