الأستاذ العريبي يعلق على خلط بن علي بقيس سعيد في مسيرة السبت ضد الاستبداد

يعتبر الأستاذ نافع العريبي عضو في هيئة الدفاع عن عبير موسي رئيسة الحزب الدستوري الحر صورة خلط الرئيس الراحل بن علي بقيس سعيد في مسيرة اليوم السبت 10 جانفي ضد الاستبداد "طعنة في ظهر ناس جاية تناضل موش تصفي في حسابات رمزية" و "تصرف غير ذكي". و في ما يلي رأيه:

"أخطر حاجة على أي مسيرة موش قمعها…بل الذكاء المحدود لبعض منظميها.

خلط بن علي بقيس سعيد في مسيرة ضد الاستبداد الحالي موش شجاعة سياسية هذا سوء تقدير يضرب الصف من الداخل. هذا التصرف غير لائق manque de tact غير ذكي وغير بريء سياسيا ومهما كانت النوايا فالنتيجة واحدة

طعنة في ظهر ناس جاية تناضل موش جاية تصفي حسابات رمزية.

الدساترة يختلفوا معاكم في قراءة التاريخ لكن جايين اليوم متفقين معاكم في الظلم والقمع المسلط على الجميع!! للاسف حولتوا المسيرة الى تصفية الذاكرة ورجعتوها معركة قديمة في أسوأ توقيت ممكن لو كنتم تعلمون …. اكيد تعلمون !!

اللافته استفزازية الى ابعد الحدود وتخدم بها خصمك السياسي الي بارك عليك بالظلم !!

يا دساترة لكم شرف محاولة طي اوجاع الماضي et l’incompréhension الازلية متع الماضي لكن الله غالب فما ناس ما تنجمش تتجاوز ونحن نعتقدوا انهم ديمقراطيون ويتقنون فنون ادارة الاختلاف !!! للاسف nous suivons une chimère ! !

نقلكم مرحبا بيكم في مسيرة 18 جانفي القادمة !!

Opération séduction sabotée par une laideur viscérale même pas de façade !! Vous avez été bien Gauche !!".

اخبار تونس على مدار الساعة