بعد تعرضها لحملة تنمر واسعة..نادية الغريبي:"أنا حرة من حراير تونس…حبيت نفرح ولدي اليتيم..شنوة الذنب الي عملتو؟"

تحدثت نادية الغريبي المرأة التي تعرضت لحملة تنمر بعد تداول صورتها على مواقع التواصل الاجتماعي، وهي بصدد تشجيع المنتخب الوطني التونسي أمام أستراليا في ثاني مبارياته في اطار الدور الاول من مونديال قطر 2022.

واوضحت نادية الغريبي في تصريح على موجات إذاعة 'موزاييك اف ام '،اليوم الثلاثاء 29 نوفمبر 2022، انها مقيمة في تونس وانها سافرت إلى قطر لمواكبة مباراة وحيدة للمنتخب التونسي قائلة ' مشيت فرحانة نشجع في بلادي كأي تونسية ..هزيت معايا ولدي عمرو 14 سنة وهو يتيم الاب ..حبيت نحققلو امنيتو ..'

وافادت بأنها تعرضت لعملية تحيل من قبل وكالة الاسفار وانها اضطرت للمبيت في الشارع في ليلة المباراة لانها عجزت عن الحجز في النزل بسبب استيفاء طاقة استعيبها نظرا للمناسبة الكروية العالمية'، مبينة بالقول 'بتت في الصحراء ..ومع ذلك لبست مريول تونس وقارية حساب انو تونس باش تربح..نلقى انسان يصور فيا ويغيرلي في ملامح وجهي..تصدمت كيف لقيت التصويرة قاعدة تدور ..صدمة خسارة المنتخب والصدمة الثانية ..علاش وقع التبهذيل بصورتي؟ وتصويري من دون بقية النساء الي موجودات غادي؟.

واضافت ' وانطلقت حملة التنمر ..انا لا لقاوني في بيت دعارة..لالقاوني نبيع في حاجات ممنوعة.. حبيت نفرح ولدي .. شنوة الغلطة الي عملتها؟ انا مراة من حراير تونس مراة مكافحة انا الام وانا البو..'، متسائلة' هوما' يعرفوني باش يحكوعليا ؟ حبيت نشجع بلادي نلقى العالم العربي الكل يتفرج فيا، شنوة الذنب الي عملتو؟.. تمرمدت وصبحت في الشارع حبيت نعيش ولدي الحلمة ..ما نقول شي كان حسبي الله ونعمة الوكيل..ولا حول ولا قوة الا بالله'.

وتوعدت نادية الغريبي برفع شكاية ضد كل المتسبيبين في حملة التنمر ضدها، قائلة'عندي هيئة دفاع..وباش نتبع كل الي ظلموني'.