اخبار تونس
موقع كل يوم -أنباء تونس
نشر بتاريخ: ٦ شباط ٢٠٢٣
'ممارسات أقل ما يقال عنها الي هي غير أخلاقية… بالإضافة الى أنها غير قانونية ومعادية لحقوق التوانسة…
معنتها الراجل يرفضو يرجعوه لخدمتو الأصلية كعدل منفذ لمدة 8 أشهر… ومن بعد لمزيد التنكيل بيه يمنعوه من السفر بمبرر سخيف…
قالك المهنة في جواز السفر غير مطابقة لبطاقة تعريف…
تو هذا حديث ؟
شنوة يعمل يعني ؟
يخرج بطاقة تعريف وباسبور فيهم 'عامل يومي' بما أنو ما ينجمش يثبت شنوة يخدم ؟
كنت تحدثت على عملية التنكيل الصامتة بصديقي نبيل بفون من أشهر كتعبير عن تعاطفي التام معاه ضد عملية التجويع الممنهجة الي يتعرضلها…
وأنا من رأيي أنو 25 جويلية بعدما انتهى بفشل ذريع انتقل إلى مرحلة التخويف والانتقام المباشر من التوانسة الي موش موافقين توجهاتو…
وباش يكون في علمو… التوانسة الأحرار ما يحبوش الظلم والتعسف…وما يخافوش وما يتراجعوش قدام
نظام فاشل وتعيس جدا.. ومعادي للحريات ولأبسط مبادئ الديمقراطية… وعايش بأكاذيب بدا الشعب يفيق بيها..
'على الباغي تدور الدوائر'… حطوها في مخاخكم…
النظام هذا باش تكون نهايتو تعيسة جدا… والسلام ثلاثا…'…
