كرة اليد: محمود الغربي يعلن اعتزاله

أعلن لاعب كرة اليد محمود الغربي اعتزاله بعد مسيرة دامت تقريبا 20 عاما من خلال تدوينة نشرها على صفحته الرسمية:

بعد مسيرة لاعب كرة يد دولي دامت حوالي 20 سنه بين الترجي الرياضي التونسي، الفريق الوطني التونسي، فريق HBC Nantes، فريق الوكِرة القطري ... ولي ،الحمد لله، حظيت فيها بألقاب على مستوى محلي و دولي و ما نجم نكون كان فخور باللي حققتو ... جاء الوقت المناسب للأعتزال والمرور لمرحلة جديده من حياتي..

في ختام المسيرة متاعي ما نجم كان انو أنحني تواضعا قدام كل شخص وقف معايا و ساندني و انشاء الله كنت في مستوى ثقتهم و محبتهم .

نحب نسجل فخري و إعتزازي اني أحد ايناء الترجي الرياضي التونسي اللي إحتضن الموهبة متاعي و اللي مع الفريق الوطني التونسي كانو البوابه نحو الملاعب العالميه.... و نخص بالشكر السيد سليم شيبوب، السيد عزيز زهير و السيد حمدي المؤدب على دعمهم المتواصل ليا داخل و خارج الملاعب .و السادة محمد الصباغ و قيس عطيه على تأطيرهم.

كل الاعتراف بالفضل والعرفان لكل من لعبت تحت قيادتهم من مدربين محليين او عالميين، ،إلى الطاقم الرياضي و الفني و الطبي، إلى القائمين على الصيانه و التجهيزات في الملاعب،... شكرا لكل اللي رافقتهم في الملاعب ،سوى لعبت معاهم أو ضدهم،، من نجوم محليين و دوليين ، و زاده لزملائي في رحلتي الدولية مع المنتخب الوطني. وكل الامتنان لكل صحافي و إعلامي قام بنقد بناء و أهتم بالمسيرة المحليه و الدوليه متاعي .

مع إعلاني اليوم اعتزالي 'كلاعب كرة يد' بشكل نهائي، نشكر العائله متاعي الي كانو ديما مصدر دعم و مسانده بلا حدود، و نكرر شكري وتقديري ومحبتي لجمهور الترجي الرياضي التونسي الي عشت معاه أجواء ما تتنساش.... ولكل الجماهير المخلصة لكرة اليد اللي حبتني ،بعيدا على كل الانتمآت، كلاعب في الفريق الوطني و كلاعب دولي.

أنشاءالله نكون خليت بصمه إجابيه و مشرفه في مسيرتي الكرويه وانشاءالله نجم نكون قدوه باهيه للجيل الصاعد.

شكرا لكرة اليد لما قدمته لي ، شكرا على محبتكم #تحيا_تونس