محمد بوغلاب: "قالولي تعليمات من فوق خلاتني بطال.. وبرا عادي كان ما خدمتش ويني المشكل؟" (فيديو)

في مقطع فيديو نشره على قناة الـ'يوتيوب' الخاصة به، توجه الاعلامي محمد بوغلاب إلى متابعيه برسالة سرد فيها مساعيه للظفر من جديد بعمل بإحدى الاذاعات بعد مغادرته لإذاعة 'شمس اف ام'، متحدثا عن خيبات حصدها بعد مجهوداته.

واكد بوغلاب ان هناك من أعلمه بوجود تعليمات 'من فوق' لمنعه من الإلتحاق بأية إذاعة، معلنا عن توجهه لموقع اليوتيوب لتنزيل الفيديوهات الخاصة به يومي القلاقاء والجمعة من كل أسبوع.

وفيما يلي الرسالة التي توجه بها بوغلاب لمتابعيه:

'السنا مانيش في شمس ولا في إذاعة أخرى لا لولى لا لخرة ولا أم الاذاعات ولا ربيبتها …ثمة إلي قال أراح واستراح وبالدارجة البنينة متاعنا ملا راحة من صياحو كل صباح..لكن ثمة ناس اخرين سألو وكتبو وتحيرو علاش مانيش موجود؟ في حتى إذاعة كي يكون حتى في إذاعة القرآن الكريم..

واضاف 'دقيت البيبان بعد مافهمت إلي موش ممكن نواصل في شمس إذاعة مصادرة جناحها مكسور والهايكا عاملتلها ماركاج … دقيت البيبان واتصلت ببعض الاذاعات والكلام كان رزين على لساني وأنا نقلهم راني وليت بطال ومانيش نادم أني كلمتهم فرصة اضافية باش تعرف الناس وباش مانلومش روحي مبعد … وباش ما نلومش روحي بعد'.

واردف' دقيت الباب ومالقيت حتى جواب … قلتلهم راني ماعاجش في شمس وسلعتي معروفة إلي يحب على الفلفل الحار آني موجود قالولي كان ثمة حاجة تو نرجعولك.. فما زوز اذاعات كلموني وتفاهمنا في كل شي.. بقات تفاصيل في حكاية العقد والفلوس وقالولي توا نرجعولك ومارجعلي حد … '

بهو يناتنا وين المشكل كان نغيب على الإذاعة ونشد الدار باش تطيح لقشمة من السماء ؟ بالعكس السماء زرقاء والعصافير تزقزق … ويني المشكل أه أه وبرا عادي كان ما خدمتش ويني المشكل ..هاو الناس عجبهم ما تقلق حد وبرا عادي وين المشكل'.

قالولي تعليمات من الفوق وماتخدم في حتى بلاصة … جماعة الفوق نحب نقلهم برشا قبلكم كانوا الفوق واغزروا حواليكم وشوفو وينهم الي تحت اللحود الي في الحبس ..ما ربح كان الي صان روحو كيما الحبيب الصيد … قنوات تلفزية تحرم عليها تحكي في السياسة لا بالتلميح ولا بالتصريح وإذا تحكي يلزم تكون من معتنقي الديانة الجديدة متاع 25 جويلية وتضرب البندير على قوة جهدك … براه عادي وين المشكل'.

احنا اليوم في تجربة جديدة ما اخترتهاش ، نعتقد أنو سكاتي ما تربح منو لبلاد حتى شي … لو نسكت يمكن نموت ساكت بالقهرة … مازال فما مايتحكى ومازال عندي مانقول وما نحسش روحي وحدي معايا اصحابي الي بفضلهم باش نكون موجود كل نهار الثلاثاء وجمعة على صفحة الفيس بوك واليوتيوب للي يفرجها المولى.'