المخرج هانى أبو أسعد: " يوجد اضطهاد من الأوسكار لأفلام العرب "

وقال هانى أبو أسعد:' لقيت أنا وأميرة  محمد دياب جاى لينا أمريكا وبيقول عندى قصة فلسطينية عاوزكم تشوفوها أميرة اتحمست جدا وكلمناه وقولنا  لو أنت مش هتعمله إحنا هنعمله وانبسط أوى و بسبب أميرة بقى فى فيلم أميرة'.

وروى هانى عن رحلته فى هوليوود، قائلا:المخرج الفاشل هو اللى يروح هوليوود ده كان من وجهة نظرى لحد ما عملت فيلم 'الجنة الان' وقامت بشرائه شركة فى هوليوود و حجزوا ليا طيران درجة رجال أعمال  وحجزوا ليا ليموزين و مش ده كان حلمى بس انبسطت بس قولت كتير هتعلم فى هوليوود لانهم عندهم ناس مثقفين كتير واتفاجأت فى أمريكا أن فى ناس مثقفين كتير لكن الأعلام بيصدر عندهم كاردشيان فقط'.

وبسؤاله عن نصيحته التى تساعد الأفلام المصرية لترشيح للأوسكار بعد أن ترشح ليه فيلميين فى الأوسكار ، رد هانى قائلا:' أعمل فيلم كويس مش للمهرجان بس كل العالم العربى مضطهد من الغرب يعنى عندك تلت الاكاديمية صهاينة يعنى أنت التصويت مش هيبقى فى صالحك و كان فى أفلام مصرية لازم تبقى فى الاوسكار زى ثرثرة فوق النيل وباب الحديد ليوسف شاهين ان شاء الله قدام يقل هذا الاضطهاد ويبقى فى ترشح للأفلام المصرية'.

تستمر فعاليات مهرجان القاهرة السينمائي الدولي، حتى يوم 5 ديسمبر الجارى، مع اتخاذ كل التدابير الاحترازية وفقاً لإرشادات الحكومة المصرية ومنظمة الصحة العالمية، من أجل ضمان سلامة صُنَّاع الأفلام المشاركين والجمهور وفريق المهرجان. 

مهرجان القاهرة السينمائي الدولي، هو أحد أعرق المهرجانات في العالم العربي وإفريقيا والأكثر انتظاماً، ينفرد بكونه المهرجان الوحيد في المنطقة العربية والإفريقية المسجل ضمن الفئة A في الاتحاد الدولي للمنتجين في باريس (FIAPF).