فكري صادق إلى التحقيق بعد إساءته لسعيد صالح

فنان عادي

ذلة لسان

وبعد قرار إحالته للتحقيق، قال فكري صادق في تصريحات جديدة: 'سامحوني.. دي كانت ذلة لسان وأنا بعتذر لهند سعيد صالح وهي عارفة إني حضرت ولادتها، وأن والدها صديقي ومقصدش.. وأنا اتعلمت إن الإنسان لازم يفكر قبل ما يتكلم'.

وبرر صادق بطريقة غير مباشرة هجومه على الفنان الراحل، وقال: 'فيه مشاكل بيني وبين سعيد صالح. ولكن أنا مسامحه مع إنه عمل موقف مش حلو معايا في فيلم سلام يا صاحبي'.

وتابع: 'سعيد صالح قال لشركة الإنتاج إني مسافر، وأنا كنت موجود وبذاكر شخصية مصطفى متولي وبسببه عملت شخصية أخرى.. وأحيانا دموعي بتنزل بسبب المواقف دي.. ولكن بقول الحمدلله لأن دا رزق ربنا في النهاية'.

نجل فكري صادق يعتذر

وجدد نجل فكري صادق، مراد، الاعتذار لهند ابنة سعيد صالح.

وتابع: 'كل واحد مننا ممكن يقول كلمة عفوية بدون قصد غلط. وخصوصا لما تتطلع الكلمة من جيل والدك ووالدي خصوصا إن الجيل دا معروف بالحب'.

وأضاف مراد فكري صادق: 'دي كانت كلمة طلعت غلط وسوء تفاهم ودا مش معناه إن والدي غلط لا سمح الله في الأستاذ سعيد أو بيقلل من شأنه. ولكن راعوا يا جماعة كبر السن، الناس دول فنانين كبار وأكبر من أننا نلوم عليهم أو نحاسبهم بالكلمة'.

واستطرد مراد: 'سعيد صالح نجم كبير وفكري صادق فنان كبير برضو. ووالدي عمره في الوسط الفني ما حد زعل منه.. إحنا ناس في حالنا مش بتوع مشاكل ولا تريند. علشان الناس تعرف مين فكري صادق أو نقيس بالتريند شعبية نجم كبير زي سعيد صالح'.

عمره تجاوز الـ70

واستكمل مراد: 'كل من عليها فان يا جماعة، وكلمة 'فنان عادي' كلمة لا تقلل من شأن حد ولا سب وقذف لأي حد. وأنا من عشاق سعيد صالح واشتغلت معاه مسلسل وكان إنسان جميل. ورغم ظروفه المرضية إلا أنه كان قيمة كبيرة في المكان'.

وطالب مراد بالتماس عذر لوالده. وقال: 'الناس الكبيرة بيبقى معاهم عذرهم أحيانا طالما لا يوجد إهانة يبقى الموضوع سوء تفاهم.. بلاش نكبر المواضيع ونشمت في بعض ونعلق لبعض المشانق.. وستستمر العلاقة الطيبة بيننا لآخر العمر بإذن الله. ولن تتغير بسبب كلمة أو وجهة نظر من فنان له تاريخه وأعماله وعمره يتجاوز السبعين'.

وختم نجل فكري صادق: 'اللي حصل دا بيحصل في معظم البرامج المسجلة وبيحصل وكلنا عارفين وفاهمين. وبيتم تظبيط الكلام كله في المونتاج، وهند سعيد صالح تعلم هذا من خلال عملها كمونتيرة.. ولكن الحمد لله وكامل اعتذاري لهند سعيد صالح ووالدها'.

مظاهرة حب

أما هند، فردت باقتضاب دون إساءة أو تعبير عن الغضب.

وكتبت عبر حسابها على 'فيسبوك' : لا هو يوم ميلادك ولا ذكرى وفاتك. ولا عيد من العيدين المرتبطين مع الناس بالعيال كبرت ومدرسة المشاغبين. جملة على لسان ضيف في برنامج اتقالت في سياق الكلام اللى أساسا مكنتش طرف فيه لا من قريب ولا من بعيد ولا حتى كنت في عنوان الڤيديو، اتقلبت مظاهرة حب لـ سعيد صالح'.

وأضافت هند: 'مش النهارده بس كل فترة ليك نفحة.. فجأة ومن غير مناسبة، يا رب تكون من الناس اللى ينطبق عليهم من حبه ربه حبب فيه خلقه، ربنا يسعدك ويراضيك'.

وختمت: ' بالنسبالى أنا.. اللهم لك ألف حمد وشكر، ربنا يرزقنى ربع الحب ده، يا بختي بيك'.

من هو فكري صادق؟

يشار إلى أن فكري صادق،  تخرج من معهد فنون مسرحية وشارك في أكثر من 30 عمل درامي خارج مصر.

وفي مصر، عمل صادق مع عادل إمام في 8 أفلام ومسرحية 'بودي جارد'.

وحقق صادق شهرة في فيلم 'سلام يا صاحبي' بتقديم شخصية 'ضابط بوليس'.

وطلبه عادل إمام في فيلم 'حسن ومرقص' بعد فترة انقطاع بينهما لمدة 15 سنة.