ياسمين عز: حداقة الزوج الدقهلاوي في جمال فسيخ نبروه وبحر جمصة

أشادت الإعلامية ياسمين عز بالصفات التي يتمتع بها ابن محافظة الدقهلية كزوج، ضمن نصائحها التي توجهها لمتابعات برنامجها "كلام الناس" عبر قناة MBC مصر.

وقالت ياسمين عز: "إنك تتجوزي راجل دقهلاوي معناها إن طاقة القدر اتفتحت ليكي يا مدام، وحياتك الزوجية هتبقى كلها عز وفرح".

أوضحت ياسمين عز في البداية أن المنصورة عاصمة محافظة الدقهلية لا تشتهر فقط بجمال بناتها قائلة: "المنصورة معروفة بجمالها، ومش فيها أحلى بنات وبس، وكمان أحلى وأطيب رجالة في الدنيا كلها".

وأضافت: "هتحسي إنك متجوزة واحد من نجوم هوليوود، وعلى رأي كاظم الساهر كل ما يكبر يصير أحلى لإنه من المنصورة".

وانتقلت بعد ذلك للحديث عن أخلاق أبناء الدقهلية قائلة: " مفيش راجل من المنصورة أو الدقهلية مش جدع وشهم، ويقف في ظهر الغريب قبل القريب، وحمش وقيادي بطبعه، وعارف الصح فين وبيعمله".

وأشارت ياسمين عز إلى الشخصيات البارزة من أبناء المحافظة بقولها: "مش معقولة أرض طلع منها الزعيم عادل إمام، والشيخ الشعراوي والدكتور فاروق الباز وأنيس منصور ورياض السنباطي تقف عندك، ويطلع جوزك الدقهلاوي مش مبهر".

وتابعت: "رجالة المنصورة شاطرين في شغلهم، وتجار شاطرين والبيزنيس في دمهم، ورجل المنصور مستحيل ميكونش مؤثر أو فنان أو عالم وله تأثير إيجابي في الممجتمع وعلى ولادك، ومن مميزاته إنه يفهمها وهي طايرة، وحداقته بجمال ملوحة فسيخ نبروه وبحر جمصة".

ونصحت ياسمين عز متابعات برنامجها بالاحتفاء بالزوج الدقهلاوي قائلة: "لما تشوفي جوزك الدقهلاوي لازم تحتفي وتحتفلي بيه وتهتفي ليه، وتقولي من أجا للمنزلة الدقهلاوي في أحسن منزلة، ومن دمنة لمنية النصر خطيبي أو جوزي أحل راجل في مصر".

اقرأ أيضا:

حمل آبلكيشن FilFan ... و(عيش وسط النجوم)

لايف ستايل على مدار الساعة