نيللي كريم ترد على شائعات حملها! – فيديو

View this post on Instagram

انتشرت خلال الأيام الماضية، شائعات عن حمل الفنانة المصرية نيللي_كريم، من زوجها لاعب الاسكواش السابق هشام عاشور.

نفت نيللي تلك الشائعات واوضحت إنها تعاني فقط من زيادة بسيطة في وزنها، لكنها ليست حاملاً.

وخلال لقائها مع برنامج ET بالعربي، قالت نيللي كريم "معرفش اشاعات الحمل سببها إيه يمكن علشان أنا تخنت شوية"، مضيفة "خلي الإشاعات تطلع دي آخر همي".

نيللي تبلغ من العمر ٤٦ عاماً، بينما يبلغ زوجها ٣٩ عاماً، وعلقت على هذا الأمر عبر مداخلة هاتفية مع أحد البرامج وقالت:

(الحب مفهوش حسابات أول ما تبدي تحسب وتهتم بكلام الناس، هيجيلك هلع، أنا بمشي بمبدأ أمشي مع قلبك وإحساسك وهو توفيق من ربنا).

وأضافت: (قرار مش سهل لأي رجل أنه يتجوز من نجمة خاصة لو راجل شرقي وده بيحصل لما يكون الراجل عنده ثقة زايدة في نفسه مليون في المية، والناس تقول اللي عاوزة تقوله أهم حاجة إني مبسوطة وسيب الكلام للناس).

نيللي كريم تحدثت عن مميزات زوجها وقالت: (هشام فيه ميزة بصراحة مش عاوزة اتكلم عليه كتير لكن كل موقف بيقلبها بضحك وهزار، والضحك بيطول العمر لما كل حاجة بناخدها بطريقة فكهاية الحياة بتكون الطف).

تابعت: (أحلى حاجة في هشام حاجات كتير مفيش ملل كل يوم الصبح مغامرات جديدة وحياة جديدة).

وأشارت نيللي كريم إلى أن روتين حياتها اختلف تمامًا بعد زواجها من هشام عاشور، حيث يستيقظا سويًا في تمام الساعة السابعة والنصف لممارسة التمرينات الرياضية، واصفة أن الروتين الذي تعيش فيه مع زوجها لطيفاً للغاية.

أما عن علاقة زوجها بأولادها الأربعة ومخاوفها من العلاقة بينهما أكدت أنه صديقاً لأولادها، مضيفة: لم أشعر بخوف من ناحية أولادي وكنت واثقة إن علاقتهم بزوجي هتكون جيدة، لكنني كنت متخوفة من والدتي كنت قلقانة بس لقيتها أكتر حد تقبل الموضوع لأن هشام في أول لقاء بينهما شغلها مزيكا وغنوا ورقصوا مع بعض علشان كده حبيته على طول.

كما اعترفت نيللي كريم لزوجها خلال اتصالها عن حبها الشديد له، مستعينة بمقطع من أغنية للفنان وائل كفوري قائلة: بعترف لك إني بحبك ودي أول مرة أحب وأنا كنت فاكر قلبي الف مرة حب.

لايف ستايل على مدار الساعة