بعد فقدانه أزيد من مليون متابع.. تامر حسني يوضح!
klyoum.com
حرص الفنان المصري، تامر حسني على توضيح موقفه من الانتقادات التي طالته، بعد مشاركته في إعلان لشركة "شيبسي"، الداعمة لإسرائيل، والتي تسببت في فقدانه أزيد من مليون متابع، بالإضافة إلى مطالبات بمقاطعة أعماله الغنائية والسينمائية.
ونشر حسني صورة السجل التجاري الخاص بالشركة عبر حسابه على "إنستغرام"، ليُثبت أنها شركة مصرية، وكتب: "مساء الخير عليكم.. بقالي يومين بتابع اللي بيحصل واحتراماً للجميع.. انا بوضح حاجه بخصوص إعلان شيبسي الاخير".
وأضاف الفنان المصري قائلا: "أولاً.. أنا على قوة الشركة من سنتين قبل أي أحداث وده مش أول إعلان ده ثالث إعلان في عقدي، معلش أحياناً الكلام عند بعض الناس بيبقى سهل وتحديداً لما بيكون بدون علم بالعقود وبحيثيات الموضوع كله".
وتابع حسني قائلا: "ثانياً.. أنا مضيت على عقد مكتوب فيه إن شيبسي شركه مصرية ولها سجل تجاري ضريبي مصري منفصل والبند قدامكم اهوه لصدق كلامي".
ولفت بالقول: "ثالثاً.. والأهم لأي حد بيشكك في انتمائي للقضية الفلسطينية هقوله أنا من 20 سنه وأنا في ضهر القضية ومش كلام وأغاني بس… لاااااا …. أنا رحت بنفسي معبر رفح أثناء الضرب لمساندة أهالينا هناك بأكبر حملة… معتقدش في حد هيخاطر بحياته ويروح بنفسه معبر رفح اثناء الضرب مجامله مثلاً".
وختم حسني كلامه بالقول: "أخيراً.. أنا لما قررت أكون الوجه الإعلاني لشيبسى من سنتين لأنه منتج مصري كل المصريين بيحبوه والبطاطس من الفلاحة المصرية وبيتباع في مصر بس واتربينا عليه والأهم إن الشخص البسيط يقدر يشتريه في ظل ظروفنا الاقتصادية وأظن ده واضح في الإعلان.. ده كان شعوري الشخصي اتجاه الحملة وأنا بمضيها من سنتين عشان كده كان واجب عليا التوضيح للجميع وللّي مش واصلاله الصورة بكل احترام.. وشكراً لكل اللي ردوا عني وهما مغمضين حقيقي انتو نعمه كبيره من ربنا ألف شكر ورمضان كريم على الجميع".