عايدة فهمي: نجمة رفضت تراجع مشهد معايا وعلمتها الأدب

حكت الفنانة عايدة فهمي عن موقف جمعها بنجمة رفضت أن تراجع معها أحد المشاهد.

وقالت عايدة فهمي خلال لقائها في برنامج "ورقة بيضا" مع يمنى بدراوي: "في نجمة صغيرة في السن قالتلي روحي راجعي المشهد مع المساعدين بتوعي وأنا مش هقول اسمها، أدتها درس عملي وقتها".

وتابعت عايدة فهمي: "قلتلها أنا عايزة أراجع المشهد عشان أعلمك تقفي قدامي إزاي مش عشاني، لأني طلبت منها تعالي نراجع المشهد قالتلي لا روحي راجعيه مع المساعدين، كانت هي بطلة العمل".

وعن إن كانت تقبل العمل معها مجددا أم لا قالت عايدة فهمي: "عادي ممكن اشتغل معاها تاني لأنها اتعلمت الأدب المشهد كان كبير جدا 4 أو 5 صفحات، لما بدأنا نصور هي عرفت أنا ليه قلت لها كده".

وشاركت عايدة فهمي في رمضان 2026 بمسلسلي "درش" و "قطر صغنطوط".

مسلسل "درش" بطولة النجم مصطفى شعبان بمشاركة عدد من النجوم من بينهم سهر الصايغ ورياض الخولي ونضال الشافعي ومحمد علي رزق وهاجر الشرنوبي وغادة طلعت وجيهان خليل تأليف محمود حجاج وإخراج أحمد خالد أمين.

مسلسل "قطر صغنطوط" بطولة محمد رجب من تأليف محمد سمير مبروك، انتاج ممدوح شاهين، وإخراج هاني حمدي.

لايف ستايل على مدار الساعة