ميمي جمال عن ارتباط دينا الشربيني بفنان: سألتها وقالتلي مظلومة

علقت الفنانة ميمي جمال على الشائعات التي انتشرت خلال الفترة الماضية عن ارتباط الفنانة دينا الشربيني بفنان.

وقالت ميمي جمال خلال لقائها في بودكاست "عالهادي فالكلام" مع سالي عبد السلام: "أنا كنت معاها في "كامل العدد" وكنت بسألها هي قالتلي أنا مظلومة جدا ومليش دعوة بالحاجات دي خالص، لا ليا دعوة لا بدا ولا دا، الناس كل ما بتشوفني بقعد مع حد يفتكروا أن فيه بيني وبينه حاجة، دا اللي هي قالتهولي".

وتابعت ميمي جمال: "ممكن تكون عشان مش متجوزة فلما بتقعد مع حد بيقولوا كده، طلع كلام مع كريم محمود عبد العزيز وإحنا لسه شايفينه مع مراته وعنده 3 بنات، ما شاء الله قمرات وميتهيأليش يعني، وبعدين كريم خاض التجربة دي قبل كده مع أمه لما محمود اتجوز على أمه والأم خدت الولدين وهو اتجوز، هو وأخوه قاسوا من الحتة دي فلا اعتقد أن كريم يرضى يكرر مأساته تاني مع ولاده، كريم ميعملش دا".

والجدير بالذكر أن مسلسل "كامل العدد ++" بطولة دينا الشربيني، شريف سلامة، مريم الخشت ، أحمد كمال، أحمد جمال سعيد، تميم عبده، جاسيكا حسام الدين ، مالك عماد ، حمزة دياب ، يوسف عمر ، يوسف جبريل ، لينا صوفيا ، سيليا والفنانة القديرة إسعاد يونس ، و غيرهم كثير من النجوم ، المسلسل من تأليف يسر طاهر، رنا أبو الريش ومن إخراج خالد الحلفاوي.

لايف ستايل على مدار الساعة