مجدي قفشة صاحب "القاضية ممكن" الضحية الخامسة لرامز عقله طار
klyoum.com
تخلى رامز جلال عن مقدمته الساخرة المعتادة في مقدمة مقلب "رامز عقله طار"، تقديرا لنجم كرة القدم مجدي قفشة صاحب الجملة الشهيرة "القاضية ممكن" وصاحب هدف حسم في نهائي دوري أبطال افريقيا، وقدم رامز مقدمة غزل في مهارات لاعب النادي الحالي، وأخلاقه وكيف فرط في عروض بالملايين بسبب الانتماء لناديه الأهلي المصري.
وكشف رامز جلال عن انتمائه الشديد للنادي الأهلي المصري قائلا: لو قطعوني وعبوني في كيس أهلاوي أنا وحب الأهلي غارس في دمي.. فريق كبير وعظيم وواخد عالبطولات ومليش في التهجيص.
وتابع: جبتلكوا النهاردة أهلاوي أصيل عمروا مكان خسيس ضحى عشان الأهلي ومجريش ورا الدولارات زي اللاعيبة السيس.. ربنا كافئه وكان في نهائي إفريقيا العريس.. جاب جون عالمي وخلى الشعب يهيص والقاضية ممكن بقت تريند من جنوب إفريقيا لباريس.
واختتم المقدمة قائلا: معانا النهاردة اللاعب اللي دخل التاريخ وصيته وصل المريخ، هفرمه النهاردة، واوريه شغل النسانيس.
وحاول رامز اضفاء لمسة ضاحكة بالسخرية من ملابس قفشة، مؤكدا أنه تقمص شخصية رائد فضاء، كما سخر من عدم قدرته على قراءة الإعلان الترويجي لمدينة الألعاب الترفيهية.
وأضاف: مجدي أبو مناخير قافشة.. إيه النضارة المعفنة دي والبنطلون ده أنت جاي من لانش.. قفشة سموه كده علشان كان بيقفش الفراخ.
رامز لم يعرّض مجدي لاختبارات صعبة بعدما صرح مجدي في البداية أنه قادم للتصوير بعد أداء مباراة كرة قدم صعبة، وصدم جلال عندما أكد قفشة أنه لا يجيد السباحة، علما أن المقلب الكبير يستلزم اسقاط قفشة من ارتفاع كبير داخل حمام السباحة.
أصيب قفشة، بالرعب في كبسولة الهوب دروب، وطلب إيقاف اللعبة بسرعة عندما بدأت تتحرك بصورة مخيفة، وكان يردد طول الوقت صلي على النبي ربنا كبير.
وحاول رامز جلال استفزاز قفشة برشه برائحة مزعجة وبالمياه، ورغم إعلان قفشة عدم اجادته السباحة، سار الجزء الأخير من المقلب كالمعتاد، حيث تم إسقاط اللاعب من الغرفة الهوب دروب على ارتفاع 13 مترا، وظل يصرخ "ما بعرفش أعوم"، ولكن كان فريق البرنامج بانتظاره داخل حوض السباحة لانقاذه.
وفور كشف رامز جلال عن شخصيته اندفع مجدي قفشة للاعتداء عليه بالضرب، وسط توسلات رامز.