أحمد فهمي يوجه اعتذارا لـ هنا الزاهد

وجه الفنان أحمد فهمي اعتذارا لطليقته الفنانة هنا الزاهد وذلك بسبب ما قاله في برنامج "رامز إيلون مصر" أنه هو من طلب الطلاق منها.

وخلال لقائه في برنامج Mirror أوضح أحمد فهمي أنه فوجئ بهذا السؤال ولم يتوقعه.

وقال:"والله أنا لو جرحتها أو أحرجتها بجد بعتذر لها جدا أنا مكنش قصدي خالص بالعكس لما رامز سألني كان في وسط دوشة وأنا من قبل ما أروح قلت له إني مش عايز اتكلم في الموضوع دا لو أنا بتاجر في الموضوع دا كان ممكن افتح معاه حوار ونقول أي حاجة لما سألني أنا رديت سرعة وبصراحة".

وكان رامز جلال سأل أحمد فهمي: "في تساؤلات، آخر زيجة بدون ذكر أسماء، مين فيكم طلب الطلاق؟" ليرد أحمد فهمي قائلا: "أنا والله".

وخلال اللقاء حكى أحمد فهمي أن فنانة كانت سببا من أسباب طلاقه من واحدة من زوجاته.

ورفض أحمد فهمي الكشف عن اسم الفنانة أو حتى هي أي زوجة من زوجاته الثلاثة.

وقال أحمد فهمي خلال لقائه في برنامج Mirror: "في فنانة كانت سبب من أسباب طلاقي من واحدة من زوجاتي، مش هقدر أقول هي مين، ولا هينفع أقول مين فيهم، هو كان في حاجة أنا قولت متحصلش وحصلت وأنا مكنتش عارف فخلاص وخرجت بهدوء، بس هي مكانتش السبب الرئيسي لأن مفيش بيت بيتخرب وهو مش مخروب لو البيت مظبوط جدا وأنت وهي تمام مع بعض والله لو 30 ألف حد يمكن عنصر دخل زود الموضوع شوية بس هي القصة كانت بدأت تبوظ".

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟

لايف ستايل على مدار الساعة