أحمد عبد الحميد ناعيا والده بكلمات مؤثرة: كان قلبى بيقولى ده اخر عيد ميلاد ليك

نشر الفنان أحمد عبد الحميد صورة له تجمعه مع والده الراحل الماكيير محمد عبد الحميد ليودعه بكلمات مؤثرة.

كتب أحمد عبد الحميد: "الصورة دى من أخر عيد ميلاد ليك، وأنا بتصورها معاك كان قلبى بيقولى ده آخر عيد ميلاد ليك وآخر مرة هقدر أفرحك، بس ولا أنا ولا انت كنا عارفين ان فرحك جاى وان ربنا هيرزقك البداية الأبدية فى جنته ان شاء الله بوجه مستبشر كدة زى ما كل إلى ودعوك شافوه".

وتابع أحمد عبد الحميد: كنت آخر سنين تقولى أنا اتنسيت خلاص يا أحمد، ولما اقولك فلان بيقولى سلملى على "الأستاذ" تقولى ياااه فيه الخير الحمدلله انه لسه فاكرنى او لسه فكرانى .. لو شفت حب الناس ليك بعد ما مشيت سواء فى خارجتك او فى عزاك او حتى على صفحاتهم هتعرف قد ايه انت كنت عظيم و هتفضل تاريخ و هتفضل سيرتك حلوة و ساترنا طول ما احنا عايشين.

واختتم أحمد عبد الحميد منشوره كاتبا: بس أنا عارف ان كل ده ولا يشغلك دلوقتى يا عم وانت منعم فى جنة الرحمن مع حبايبك كلهم وهو ده عزائى الوحيد، ربنا يرحمك يا أطيب قلب و احسن أب ويجعلنى خير خلف ليك وأفضل محافظ على اسمك وسيرتك وأخلاقك اللى سايبها فى قلوب الناس … أشوفك على خير يا حمادة".

لايف ستايل على مدار الساعة