رانيا محمود ياسين تردّ على هجوم متابعة بسبب شقيقها

رانيا محمود ياسين

نشرت الفنانة رانيا محمود ياسين على حسابا الخاص بـ"إنستغرام" صورة جديدة لها، وجهت إحدى متابعاتها من خلالها استفساراً بشأن خلاف شقيقها عمرو مؤلف مسلسل "اللي مالوش كبير" مع بطلة العمل ياسمين عبد العزيز.

وكتبت المتابعة: "صباح الورد مبروك على المسلسل كنت عايزة أسالك على حاجة، كان في مذيعة عربية اتكلمت عن خلاف أستاذ عمرو وياسمين عبد العزيز وقالت إنك كتبت كلام تلقيح على ياسمين وحش عشان خلافها مع استاذ عمرو هل دي صح؟".

لترد رانيا عليها قائلة: "بقولك يا حبيبتي أنا لا بلقح على حد ولا ليه في تلقيح أنا بقول للأعور أعور في عينه ولا يهمني أي حد في الكون دي حاجة معروفة عني إني مش بخاف، لكن أعرف حدودي كويس انا لما بكتب حاجة على صفحتي بيقي رأيي الخاص والله لو البوست ده جه على مقاس حد يبقي دي مشكلته مش مشكلتي وانا ماليش دعوة بخلافات مسلسل (اللي مالوش كبير) عمرو ياسين كاتب كبير لي رؤيته اللي الناس كتير جدا بتحترمها هو يرد على نفسه انا لا أتدخل في شغله انا في شغلي فقط تحياتي".

ودخلت متابعة أخرى على خط التعليقات وكتبت: "هي البنت ما قالت ليك حاجة هي بتقولك في مذيعة كتبت وقالت كلام على لسانك وبتعمل مشاكل إنتي أسلوبك وحش وفي غرور كده عمرو كاتب كبير وياسمين نجمة كبيرة وكلهم محترمين كان ممكن ردك يكون أحسن من كده أنا مش عارفة إنتي مغرورة أوي ليه كده أنا كنت بحبك وبحترمك".

لترد عليها قائلة: "إيه الغرور اللي في كلامي أنا حطه قلوب وقولت تحياتي انا بوضح وجهة نظري بلاش أي تصيد ملوش لازمة".

وكان خلاف قد نشب بين عمرو محمود ياسين وياسمين عبد العزيز بسبب نهاية مسلسل "اللي مالوش كبير" وصلت إلى أن الأول رجح عدم التعاون مع ياسمين في أعمال قادمة.

"اللي مالوش كبير" بطولة ياسمين عبد العزيز وأحمد العوضي في أول تعاون بينهما بعد الزواج، ويشارك فيه أيضًا خالد الصاوي، محمد عبد العظيم، ودنيا عبد العزيز، وبدرية طلبة، ودينا فؤاد، وأحمد سعيد عبد الغني وآخرون، والعمل من تأليف عمرو محمود ياسين وإخراج مصطفى فكري.

لايف ستايل على مدار الساعة