بعد مشاجراته في الساحل.. حمو بيكا يعلق بطريقته: "كنت نايم في بيتنا"!
klyoum.com
حمو بيكا مع سيارته
كشف مطرب المهرجانات حمو بيكا، خلال مداخلة هاتفية مع الإعلامي عمرو أديب عبر برنامج الحكاية على إم بي سي مصر، إنه قرر بيع سيارته.
وقال : "أنا كنت نايم في بيتنا ومعرفش أي حاجة، وصحيت لقيت الدنيا مقلوبة عشان عربيتي كانت عند بوابة مارينا وفي زحمة، وكل ما العربية تيجي تدخل مايرضوش يدخلوها من وقت الحادثة، كان في خناقة وعلي قدورة نازل يحوش في الخناقة ومسك في واحد، الناس أول ما بيشوفوني بيتلمو عليّا، وبعت عربيتي عشان مش عايز مشاكل".
وأضاف أن المشاجرة الأولى التي كانت بسبب اصطدامه بإحدى السيارات قبل أسبوع في مارينا، لم يكن مخطئًا فيها، ولكن الشخص الآخر كان مسرعًا نحوه في أحد الدورانات مما تسبب في تلف لسيارته، مؤكدًا أنه حصل على 75 ألف جنيه تعويضًا.
وأكمل: "ماكنتش راكب عربيتي كان الشباب اللي شغالين معايا ومنهم نور التوت وعلي قدورة راكبينها، وخبطوا في عربية تانية ونزل أصحاب العربية التانية واتخانقوا مع بعض، وحد صورهم وقال إني كنت موجود معاهم عشان عربيتي كانت موجودة".
وكان بعض رواد مواقع التواصل الاجتماعي قد تداولوا مقطع فيديو لمطربي المهرجانات حمو بيكا، ونور التوت وأصدقائهما أثناء دخولهم في شجار جديد مع مجموعة من الشباب وذلك بمنطقة الساحل الشمالي عند بوابة مارينا 5، وظهر خلال الفيديو معركة ضرب بالأحزمة، في الوقت الذي ردد أحد الشباب أن حمو بيكا يخشى النزول من سيارته حتى لا يتعرض للضرب.