فرح الزاهد: تعلمت من ليلى علوي الانضباط.. وأستعين برأي شقيقتي "هنا" في أعمالي

تحدثت الفنانة فرح الزاهد عن علاقتها بالفنانة ليلى علوي في فيلم "شوجر دادي" الذي طُرح للعرض مؤخرًا في السينمات.

وقالت الزاهد خلا لقائها ببرنامج عيش صباحك على "نجوم إف.إم: "أول يوم أشوفها فيه كنت متوترة أوي وكان أول مشهد معاها وعيدنا المشهد كتير أوي لأن كان فيه مشاكل في الزاوية بتاعتي وكنت بقول جمل غلط لكن هي كانت بتفضل تقول لي حلو أوي لحد ما أخدنا على بعض".

وعن أكثر ما تعلمته من الفنانة الكبيرة ليلى علوي، قالت: "عندها انضباط فظيع وحب لشغلها غير طبيعي وإن لازم أتعود على صعوبات الشغل وهي بالنسبة لي مثل أعلى".

وتحدثت فرح عن أول تجربة سينمائية لها في "شوجر دادي" واختلافها عن الدراما التي قدمت فيها تجارب سابقة، وأوضحت: "السينما محتاجة خبرة كبيرة جدًا وأنا انتقدت نفسي في أول تجربة سينمائية لكن راضية عن نفسي بنسبة 70%".

وأكدت فرح الزاهد: "باخد رأي هنا أختي بعد ما أمضي الدور خلاص وبسألها إيه رأيك أعمل الدور إزاي وكده، وباخد رأيها كمان لما العمل يتعرض وهي بتبقى صريحة معايا في رأيها، لكن مامتي هي اللي باخد رأيها قبل ما أوافق على الدور".

فيلم «شوجر دادي» بطولة الفنانة ليلى علوي، بيومي فؤاد، حمدي الميرغني، تامر هجرس، مصطفى غريب، محمد محمود، مي الغيطي، فرح الزاهد، جوهرة، تأليف لؤي السيد، إخراج محمود كريم.

اقرأ أيضا:

حمل آبلكيشن FilFan ... و(عيش وسط النجوم)

لايف ستايل على مدار الساعة