خاص إلهام شاهين تقييم أداء ابنة شقيقتها إلهام في "إمبراطورية ميم" و"أعلى نسبة مشاهدة": فاجئتني

لفتت الفنانة الشابة إلهام صفي الدين، الأنظار لها من خلال مشاركتها في مسلسلي "إمبراطورية ميم" و"أعلى نسبة مشاهدة" وتقديمها لدورين مختلفين تماما.

وتواصل FilFan.com مع الفنانة إلهام شاهين، خالة إلهام صفي الدين، لمعرفة رأيها في أداء ابنة شقيقتها في دراما رمضان 2024، وقالت: "أنا فرحانة بيها جدا ومتفاجئة، الحقيقة مكنش عندي فكرة هي بتعمل إيه، لأنها عايزة تشوف رد فعلي والمفاجأة اللي هتفاجئها لما ألاقيها بتعمل أدوار مختلفة وجديدة وبعيدة عن شخصيتها الحقيقية خالص، هي عاملة مجهود كويس أوي ومذاكرة كويس جدا".

وتابعت إلهام شاهين: "أنا شايفة أن حظها حلو لأنه اشتغلت مع اتنين مخرجين سواء محمد سلامة أو ياسمين كامل هايلين في إدارة الممثلين، كل الممثلين معاهم كويسين مش إلهام بس مهتمين بالممثل".

وكشفت إلهام شاهين عن رأيها في مسلسلي "إمبراطورية ميم" و"أعلى نسبة مشاهدة" وقالت: المسلسلين ممتعين جدا، إمبراطورية ميم مشاكل حياتنا اليومية واللي بتمس شريحة كبيرة جدا من المجتمع، كل واحد هيلاقي حاجة من بيته موجودة في إمبراطورية ميم حسب أولاده ومشاكلهم لأن المسلسل فيه مشاكل الأولاد من كذا سن دا أكيد موجود في كل بيوتنا هو مسلسل قريب من الناس مسلسل الأسرة كلها تتلم حواليه وشيق جدا".

وأكملت: "خالد النبوي وابنه نور والولاد الصغيرين حلوين أوي رائعين في تدريب وبروفات وشغل فيه جدية وإدارة ممثلين صح".

وعن مسلسل "أعلى نسبة مشاهدة" قالت إلهام شاهين: "مسلسل أعلى نسبة مشاهدة دا موضوع الساعة السوشيال ميديا وإزاي بتتحكم في الناس وعقولهم وتأثيرها على الشباب والتيك توك ودا واخد حيز كبير من تفكير الجيل الجديد، من الموضوعات الجميلة اللي عجبتني ومجموعة الممثلين هايلين برافو سواء الشباب الصغيرين أو الكبار انتصار ومحمد محمود عاملين أدوار هايلة".

واختتمت إلهام شاهين حديثها: " الاتنين مسلسلات ناجحة مبروك عليهم كلهم وأنا فرحانة بإلهام جدا وبدعيلها إن ربنا يوفقها وهي بتشق طريقها لوحدها ومش بتقولي هي بتعمل إيه عشان تشوف رد فعلي على حاجات أنا مش متوقعاها منها برافو عليها أنا فرحانة بيها جدا وجايلي ردود فعل رائعة من كل اللي يعرفونا".

وتقدم إلهام صفي الدين في مسلسل "إمبراطورية ميم" دور "مايا" ابنة "مختار" خالد النبوي، وهي صاحبة شخصية قوية وتحب كرة القدم كثيرا، كما تغير على والدها وترفض دخول أي امرأة أخرى في حياته بعد وفاة والدتها.

أما في مسلسل "أعلى نسبة مشاهدة" تقدم دور "هبة تاتو" فتة شعبية ومن مشاهير "تيك توك".

طالع أيضا: ريم رؤوف: أحمد مختار خالي ... وأحمد كمال كان صديقه وكان بيقعدني على حجره ويلعب بيا مع عبلة كامل

لايف ستايل على مدار الساعة