تارا عماد: "إفراج" من أمتع الحاجات اللي اشتغلتها ومشاهد الغناء كانت صعبة

تحدثت الفنانة تارا عماد عن دورها في مسلسل "إفراج" معبرة عن سعادتها بتقديمها دور مختلف هذا العام.

وقالت تارا عماد خلال مداخلة هاتفية ببرنامج "الحكاية": "أنا مبسوطة بالمسلسل دا الفرحة مش سايعه قلبي من أمتع الحاجات اللي اشتغلتها، بفضل المخرج أستاذ أحمد خالد موسى وأستاذ عمرو سعد أدوني فرصة كنت بحلم بيها كان نفسي اعمل حاجة مختلفة وتبين للناس إني ممكن أظهر بشكل مختلف والدور كنت كل يوم بصحى للتصوير مستمعة ومتحمسة حبيبت "كرميلا" و"عباس" وكل تفاصيلهم".

وعن أصعب المشاهد التي قدمتها في المسلسل قالت تارا عماد: "أكتر حاجة كانت صعبة مشاهد الغناء كنت متوترة ومرعوبة عمري ما طلعت بغني وأصلا وأنا بمضي محدش سألني وقلت توكلنا على الله وهما يكتشفوا".

وعن تحضيرها للدور والغناء قالت: "أنا أخدت تدريبات قبل كده للغناء لكن مأخدتش حاجة للمسلسل، بس كانت من أمتع المشاهد اللي فيها غناء زي مثلا أغنيتي أنا وعمرو سعد كان يوم متع وكله طاقة".

مسلسل "إفراج" قصة وبطولة عمرو سعد، ويشارك في العمل تارا عماد، حاتم صلاح، عمر السعيد، جهاد حسام الدين، علاء مرسي، صفوة، بسنت شوقي، أحمد عبدالحميد، حسن العدل، عبدالعزيز مخيون.

لايف ستايل على مدار الساعة