سارة سلامة تكشف مواصفات فتى أحلامها

تحدثت النجمة الشابة سارة سلامة، عن فتى أحلامها والمواصفات التي تضعها له، مؤكدة أنها لا تمانع الزواج من الوسط الفني أو خارجه ولا تضع معيارا لهذا الأمر.

وقالت في إحدى الندوات الصحافية : "لا أحب الرجل الضعيف وده مبيلفتش انتباهي، لازم يبقى في شوية نخوة هبقى أنا أرجل منه؟، أنا معنديش مواصفات معينة كل اللي نفسي فيه إنه يحسسني بالأمان، ويبقى فيه استقرار ويؤمن بيا ويحبني لشخصي مش كفنانة، أنا معنديش طلب معين ولكني فعلًا محتاجة يبقى في راجل في الحياة، البنات كائن ضعيف جدا وبنتراضى بأقل كلمة وأبسط حاجة بتفرحني".

أضافت : "لو مكانش فيه تحمل المسؤولية وفكرة إنه يبقى راجل يعني حيط وتكوين البيت، ولو حسيت إني أرجل منه أو أنا مسؤولة عنه مينفعش، دور الأب كمان مهم جدًا مش أي حد ينفع يبقى أب زي ما مش أي واحدة تنفع تبقى أم، وأنا نفسي أنجب طفلاً أكتر من إن نفسي أتجوز".

سارة سلامة يعرض لها حالياَ مسلسل "نقطة سودة" عبر شاشة قناة MBC، ويشاركها البطولة أحمد فهمي، أحمد مجدي، هدى الأتربي، ناهد السباعي، وفاء عامر، سماح أنور، أحمد مجدي، نضال الشافعي، أحمد عزمي، تأليف أمين جمال وإخراج محمد أسامة.

لايف ستايل على مدار الساعة