دنيا عبد العزيز تحتفل بعيد ميلاد ابنتها بحضور دينا وإيهاب فهمي وغادة نافع وبوسي شلبي
klyoum.com
احتفلت الفنانة دنيا عبد العزيز بعيد ميلاد ابنتها "جودي".
وحضر الحفل عدد من أصدقائها الفنانين منهم إيهاب فهمي وزوجته وميدو عادل ودينا وغادة نافع والإعلامية بوسي شلبي.
وغلب على مكان الاحتفال ألوان البرتقالي والوردي كما ارتدت دنيا عبد العزيز هذه الألوان وقدمت دينا رقصة خاصة للحضور.
على جانب آخر، كانت دنيا عبد العزيز كشفت عن الشيء الذي تغير في شخصيتها بعدما أصبحت أم.
وقالت دنيا عبد العزيز في برنامج "ساعة ونس" عبر قناة cbc سفرة: "أكتر حاجة اتغيرت في حياتي بعد ما بقيت أم إني بقيت بخاف بقى عندي خوف على بنتي وعلى نفسي وخوف من المستقبل خوف في المطلق، كان من بعد أمي ما توفت بطلت أخاف لحد ما بنتي اتولدت بدأت الحكاية تتغير خالص بقيت بخاف عليها وبقيت بخاف من كل حاجة عشانها".
وعن نصيحة توجهها للأمهات قالت دنيا عبد العزيز: "أنا معنديش خبرة لسه بتعلم مع بنتي لكن أكتر نصيحة أقولها لأي أم أو ست حامل وقربت تولد متسمعيش كلام حد اسمعي كلام الدكاترة وبس لأن إحنا بيبقى حوالينا ناس كتير جدا بيحبونا ويخافوا علينا لكن كل واحد هيقول لنا معلومة غير التانية وكلهم صح لكن هيبقى لخبطة كبيرة وتشتت فظيع فناخد برأي الدكتور واللي يقول عليه هو اللي نعمله بس لأني هسمع من هنا ومن طنط وخالتي وعمتي الدنيا هتتلخبط وأي أم هتتبرجل فنسمع من جهة واحدة ونركز جدا منتشتتش".
يذكر أن دنيا عبد العزيز شاركت في رمضان 2025 في الجزء الخامس من مسلسل "المداح".
مسلسل "المداح" بطولة حمادة هلال، هبة مجدي، دنيا عبد العزيز، خالد سرحان، يسرا اللوزي،غادة عادل، محسن محيي الدين،أحمد بدير، حنان سليمان، محمد علي رزق، تامر شلتوت، غادة عادل، جوري بكر، وخالد الصاوي، تأليف أمين جمال وشريف يسري ووليد أبو المجد، وإخراج أحمد سمير فرج.
لو فاتك: الحلقة الثانية من برنامج "غالب ولا مغلوب" ... المنافسة دخلت مراحل مهمة ومفاجآت في النتايج ♂️