إسعاد يونس: لا أنساق وراء التريند .. واللقب دا تكريم من ربنا

تحدثت الفنانة والإعلامية إسعاد يونس عن أكثر الألقاب قربًا إلى قلبها، كما كشفت سبب ابتعادها عن ملاحقة "التريند" في برامجها، مؤكدة أن ما يبقى هو المحتوى الحقيقي وليس ما تصنعه مواقع التواصل الاجتماعي.

وقالت إسعاد يونس خلال تصريحات إلى برنامج "الستات مايعرفوش يكدبوا" على قناة CBC إن لقب "صاحبة السعادة" هو الأقرب إلى قلبها، موضحة: "عملت ألقاب كتيرة الحمد لله، لكن صاحبة السعادة زي ما تقول ربنا بيديني جايزة في الآخر، وبعد السنين دي كلها اعتبرته تكريم من ربنا".

وأضافت أن اللقب ارتبط بها بشكل كبير، رغم أنه في الأساس اسم البرنامج، قائلة: "اللقب لزق فيا واعتبرته هدية من ربنا".

وعن ابتعادها عن ملاحقة "التريند"، قالت: "أنا من جيل ما يعرفش التريند، وقعدت أفهم يعني إيه التريند، فأنا مش بتاعة تريند.. أنا بتاعة الحقيقة".

وأضافت: "لو مشيت ورا التريند هتشوف الحال بتاع السوشيال ميديا، اللي بيمشي ورا تريند أو بيصنع تريند زائف عمره قصير جدًا، ودي صنعة الفشار.. تك! خلصت الحكاية".

وتابعت: "كل ما كان الشيء حقيقي، كل ما عمره طال".

لايف ستايل على مدار الساعة