شهيرة تكشف تفاصيل الحالة الصحية للإعلامية آيات أباظة بعد خضوعها لجراحة استئصال ورم

كشفت الفنانة شهيرة تفاصيل الحالة الصحية للإعلامية آيات أباظة بعد خضوعها لعملية جراحية.

وقالت شهيرة خلال مداخلة هاتفية ببرنامج "الستات": "عملت عملية أخدت 5 ساعات والحمد لله الدكتور قال أن النتيجة مرضية والحمد لله راحت على أوضة عادية مش عناية مركزة، إحنا كنا في حالة مش حلوة خالص وقلقانين جدا وأولادها الله يكون في عونهم إحنا متعشمين خير في ربنا أنه يطلعها من الأزمة دي على خير، دلوقتي مطمنين إلى حد ما ان الأمور ماشية وإن شاء الله فاضل خظوة للشفاء مستنين التحاليل عشان نطمن أكتر".

وتابعت شهيرة: "كنا عملنا قبل كده عينة والحمد لله طلعت أن هي كانت حميد والعلاج جاب نتيجة لكن الدكتور الجراح بيكون عنده وجه نظر تانية أن يفتح ويشوف وياخد عينة تاينة لمزيد من الاطمئنان، وإن شاء الله ترجع بخير وسلامة".

وكان المؤلف عمرو محمود ياسين طالب جمهوره بالدعاء لزوجته الإعلامية آيات أباظة لخضوعها لعملية جراحية دقيقة.

وكتب عمرو محمود ياسين: "تخضع زوجتى الحبيبة الغالية آيات أباظة بعد قليل لجراحة دقيقة، وأسأل أصدقائى وأحبائى الدعاء لها بالشفاء والسلامة"، وانهالت عليه التعليقات الداعمة والمتمنية لزوجته تمام الصحة والعافية".

لو فاتك: هتتصرف ازاي لو لقيت نفسك مسئول عن نادي كبير وانت مالكش فيها؟؟ شوف "ابن النادي" هيعمل ايه؟

لايف ستايل على مدار الساعة